Anti-Aging Tips : ఈ చిట్కాలు ఫాలో అయితే వృద్ధాప్యాన్ని జ‌యించ‌వ‌చ్చు..!

కొంతమంది చర్మం వారి వయస్సును బయటపెట్టదు. మరికొంత మంది తమ వయస్సు కంటే ఎక్కువ వయస్సు ఉన్నవారిలా క‌న‌ప‌డ‌తారు. దీని క్రెడిట్ మొత్తం మన జీవనశైలి, ఆహారపు అలవాట్లకే చెందుతుంది. కానీ మ‌న‌లో చాలామంది దీనిని పట్టించుకోరు. వృద్ధాప్యాన్ని నివారించడానికి అనేక ఖరీదైన సౌందర్య చికిత్సలను ఆశ్రయిస్తారు. ఈ రోజు మనం అలాంటి కొన్ని పద్ధతులను మీకు చెప్పబోతున్నాం. మీరు వాటిపై శ్రద్ధ వహిస్తే, పెరుగుతున్న వయస్సును అధిగమించడం కష్టం కాదు.

ధూమపానానికి దూరంగా ఉండండి

ధూమపానం ఆరోగ్యంతో పాటు చర్మంపై కూడా చాలా చెడు ప్రభావం చూపుతుంది. ధూమపానం అలవాటు కారణంగా, వృద్ధాప్య సంకేతాలు త్వరగా కనిపిస్తాయి. ధూమపానం ఊపిరితిత్తుల పనితీరును తగ్గిస్తుంది. ఊపిరితిత్తులలో ఇన్ఫెక్షన్ ఉంటే.. శరీరానికి తగినంత ఆక్సిజన్ అందదు. ఆక్సిజన్ చర్మం యొక్క మెరుపును పెంచుతుంది. శరీరంలో ఆక్సిజన్ లోపం ఉన్నప్పుడు చర్మం లేతగా నిస్తేజంగా కనిపిస్తుంది.

సన్‌స్క్రీన్ ఉపయోగించండి

ఎండలో బయటకు వెళ్లేటప్పుడు తప్పకుండా సన్‌స్క్రీన్‌ని వాడండి. ఇది టానింగ్ నుండి ఉపశమనం కలిగించడమే కాకుండా ముడతల సమస్యను కూడా దూరం చేస్తుంది.

క్రమం తప్పకుండా వ్యాయామం

చురుకైన జీవనశైలి, ప్రతిరోజూ కొన్ని నిమిషాల వ్యాయామం ద్వారా శరీరాన్ని ఫిట్‌గా ఉంచుకోవడంతో పాటు, వృద్ధాప్య లక్షణాలను కూడా చాలా కాలం పాటు నివారించవచ్చు. వ్యాయామం చేయడం వల్ల శరీరంలో రక్త ప్రసరణ మెరుగుపడుతుంది, ఇది ముఖంలో మెరుపును పెంచుతుంది. ముడతలను తొలగిస్తుంది.

ఒత్తిడి లేకుండా ఉండండి

ఒత్తిడి మన ఆరోగ్యానికి పెద్ద శత్రువు. ఇది శరీరంపై ప్రతికూల ప్రభావాలను చూపడమే కాకుండా మానసిక ఆరోగ్యంతో పాటు, ముఖం కూడా నిర్జీవంగా కనిపిస్తుంది. ఒత్తిడి కారణంగా శరీరంలో ఒత్తిడి హార్మోన్ కార్టిసాల్ స్రవిస్తుంది. కార్టిసాల్ శరీరంలో కనిపించే ప్రోటీన్లను విచ్ఛిన్నం చేస్తుంది. చర్మాన్ని యవ్వనంగా ఉంచడంలో ఈ ప్రొటీన్ పాత్ర చాలా ప్రత్యేకం. ఒత్తిడి కారణంగా ముఖంపై త్వరగా ముడతలు రావడం ప్రారంభిస్తాయి. అంతేకాకుండా వృద్ధాప్య ఇతర లక్షణాలు కూడా కనిపించడం ప్రారంభిస్తాయి.

పుష్కలంగా నిద్రపోండి

శరీరాన్ని ఆరోగ్యంగా యవ్వనంగా ఉంచడానికి తగినంత నిద్ర చాలా ముఖ్యం. నిద్ర మన శరీరాన్ని బాగుచేసుకునే అవకాశాన్ని ఇస్తుంది. మంచి నిద్ర శారీరక,మానసిక ప్రయోజనాలను కలిగిస్తుంది. కాబట్టి మీరు వయస్సును అధిగమించాలనుకుంటే నిద్ర ప్రాముఖ్యతను అర్థం చేసుకోండి.