Snake In GHMC Office : ఫిర్యాదు చేసినా పట్టించుకోలేదని జీహెచ్ఎంసీ ఆఫీసుకు పామును తీసుకెళ్లాడు..!

హైదరాబాద్ నగరంలో గ‌త కొన్ని రోజులుగా కురుస్తున్న‌ భారీ వర్షాలతో వరద, మురుగు నీరు ఇళ్లలోకి వస్తోంది. ఈ క్ర‌మంలోనే అల్వాల్(Alwal) ప్రాంతంలో ఓ ఇంట్లోకి పాము(snake) రావడంతో అందులో ఉండే వ్య‌క్తులు భ‌యాందోళ‌న‌ల‌కు గుర‌య్యారు. వెంట‌నే జీహెచ్ఎంసీ(GHMC) అధికారులకు ఫిర్యాదు చేశారు. అయితే.. ఫిర్యాదు చేసి 6 గంటలు గడిచినా జీహెచ్ఎంసీ నుంచి ఎలాంటి స్పందన రాలేదు. దీంతో ఓపిక నశించి సంపత్ కుమార్(Sampath Kummar) అనే యువకుడు అల్వాల్ జీహెచ్ెంసీ వార్డు ఆఫీసుకు పామును తీసుకుని వెళ్లాడు. టేబుల్‌పై పామును వ‌దిలి నిరసన వ్య‌క్తం చేశాడు.