Mexico Train Incident : రైలుతో సెల్ఫీ దిగాలనుకుంది.. ప్రాణాలు కోల్పోయింది...!

సెల్ఫీల(selfi) పిచ్చ బాగా ముదిరింది. సెల్ఫీల మోజుతో ప్రాణాలు కూడా పొగొట్టుకుంటున్నారు. ఇలాంటి సంఘటనలు ఇంతకు ముందు చాలానే జరిగింది. అయినా జనం మారడం లేదు. లేటెస్ట్‌గా మెక్సికోలో(Mexico) ఇలాంటి ఘటనే జరిగంది. ఓ యువతి అందరూ చూస్తుండగానే సెకన్ల వ్యవధిలో ప్రాణాలు కోల్పోయింది. కెనడా(Canada) నుంచి బయలుదేరే ఎంప్రెస్‌(Express) అనే రైలు సుదీర్ఘ ప్రయాణం తర్వాత మెక్సికో సిటీకి చేరుకుంటుంది. ఓ స్పెషల్ ఈవెంట్ నిర్వహణ కోసమే ఈ రైలును నడిపిస్తున్నారు. ఏడు దశాబ్దాల చరిత్ర ఉన్న ఈ రైలు అంటే చాలా మంది ఇష్టపడతారు. ఆ రైలు వెళ్లే దారిలో నిల్చుని ఫోటోలు, సెల్ఫీలు, వీడియోలు తీసుకుంటుంటారు. మొన్న సోమవారం రైలు వెళుతున్న సమయంలో హడాల్గో దగ్గర ఓ యువతి పట్టాలకు(Track) అతి దగ్గరగా వెళ్లి మోకాళ్ల మీద కూర్చొని సెల్ఫీ కోసం ప్రయత్నిచింది. అయితే రైలు ఆమెను బలంగా ఢీ కొట్టింది. దాంతో ఆమె అక్కడికక్కడే కన్నుమూసింది. ఈ దుర్ఘటనపై రైలు యాత్రను నిర్వహించిన కెనడియన్‌ ఫసిఫిక్‌ కానాస్‌ సిటీ కంపెనీ దిగ్భ్రాంతి వ్యక్తం చేసింది.