Viv Richards : లారాపై గుర్రుగా ఉన్న రిచర్డ్స్‌, హూపర్‌... అసలేమైంది?

వెస్టిండీస్‌(West indies) మాజీ క్రికెట్‌ కెప్టెన్‌, లెజండరీ బ్యాట్స్‌మన్‌ బ్రియాన్‌ లారా(Brian Lara) వివాదంలో చిక్కుకున్నాడు. దీనికి కారణం తాజాగా అతడు రాసిన పుస్తకమే. లారా : ద ఇంగ్లండ్‌ క్రానికల్స్‌ అనే పుస్తకాన్ని రాసిన లారా అందులో కొంతమందిపై లేనిపోని వ్యాఖ్యలు చేశారు. ముఖ్యంగా కింగ్‌ వివియన్‌ రిచర్డ్స్‌, కార్ల్‌ హూపర్‌ గురించి కొన్ని కామెంట్లు చేశాడు. ఈ మాటలు వారికి కోపం తెప్పించాయి. తమకు సారీ(Appology) చెప్పాల్సిందేనని డిమాండ్‌ చేస్తున్నారు. వెస్టిండీస్‌ జట్టులోని ప్లేయర్లను వివ్‌ రిచర్డ్స్‌(Viv Richards) భయపెట్టేవాడని, కొన్ని వారాలకోసారి తనను ఏడిపించేవాడని లారా ఆ బుక్‌లో రాశాడు. తననే కాకుండా కార్ల్‌ హూపర్‌ను(Clar hooper) కూడా రిచర్డ్స్‌ ఏడిపించేవాడని చెప్పాడు. వారానికి ఒక‌సారైనా హూప‌ర్‌ను ఏడ్చేలా చేసేవాడ‌ని లారా తన పుస్తకంలో రాసుకొచ్చాడు. లారా రాసిన రాతలపై ఆ ఇద్దరు మాజీ క్రికెటర్లు గుస్సా అవుతున్నారు. ఇద్దరూ కలిసి ఓ స్టేట్‌మెంట్‌ ఇచ్చారు. పుస్తకంలో రాసిన అంశాల పట్ల రిచర్డ్స్‌, హూపర్‌లు అసంతృప్తి వ్యక్తం చేశారు. తమ గురించి లేనిపోనివి కల్పించి పుస్తకంలో రాసినట్టు పేర్కొన్నారు. ప్లేయర్ల మధ్య ఉన్న రిలేషన్‌ను తప్పుపట్టేలా ఆ పుస్తకం ఉందని చెప్పారు. చేసిన దానికి లారా తమకు క్షమాపణలు చెప్పాలని ఇద్దరు ఆటగాళ్లు డిమాండ్‌ చేశారు.