Eric Garcetti : మణిపూర్ హింస‌పై అమెరికా రాయబారి సంచ‌ల‌న వ్యాఖ్య‌లు.. ఫైర్ అవుతున్న కాంగ్రెస్‌

మణిపూర్‌(Manipur)లో పరిస్థితి మానవతా దృక్పథంతో కూడుకున్నదని, హింస(Violence)లో ప్రాణనష్టం జరిగినా పట్టించుకోవాల్సిన అవసరం లేదని భారత్‌లోని అమెరికా రాయబారి ఎరిక్ గార్సెట్టీ(US ambassador to India Eric Garcetti) అన్నారు. మణిపూర్‌లో కోరితే సహాయం చేయడానికి అమెరికా(America) సిద్ధంగా ఉందని గార్సెట్టి తెలిపారు. అమెరికా రాయబారి ఈ ప్రకటనపై కాంగ్రెస్(Congress) తీవ్ర అభ్యంతరం వ్యక్తం చేసింది. మణిపూర్ హింసాకాండపై అడిగిన ప్రశ్నకు సమాధానంగా భారత్‌(India)లోని అమెరికా రాయబారి ఎరిక్ గార్సెట్టి మాట్లాడుతూ.. సంక్షోభాన్ని పరిష్కరించాలని కోరితే ఏ విధంగానైనా సహాయం చేయడానికి అమెరికా సిద్ధంగా ఉందని, శాంతి లేకుండా ఈశాన్య రాష్ట్రాలు అభివృద్ధి చెందవని అన్నారు. ఇది భారతదేశ అంతర్గత విషయమని ఎరిక్ గార్సెట్టి నొక్కిచెప్పారు.

అమెరికా రాయబారి వ్యాఖ్యలపై కాంగ్రెస్ ఎంపీ మనీష్ తివారీ(Congress MP Manish Tewari) స్పందిస్తూ.. భారత అంతర్గత వ్యవహారాలపై అమెరికా రాయబారి ఇలాంటి ప్రకటన చేయడం ఆశ్చర్యంగా ఉందన్నారు. కాంగ్రెస్ ఎంపీ మనీష్ తివారీ మాట్లాడుతూ.. 'మణిపూర్‌లో జరుగుతున్న హింస‌ విషాదకరం. ప్రధాని అక్కడికి వెళ్లి చాలా ముందుగానే మాట్లాడి ఉండాల్సింది. అక్కడ సాధారణ పరిస్థితులు నెలకొనే వరకు హోంమంత్రి నిరంతరం రాష్ట్రంలో పర్యటించి ఉండాల్సింది. ఈ అంశాన్ని పార్లమెంట్‌(Parliament)లో లేవనెత్తుతాం. అమెరికా రాయబారి విషయానికొస్తే.. దేశం అనేక సవాళ్లను ఎదుర్కొంటుంది.. అయితే దేశ‌ అంతర్గత విషయాలపై ఎటువంటి ప్రకటనను ఎప్పుడూ ప్రశంసించదు. యుఎస్‌లో తుపాకీ హింస ఉంది.. అనేక మంది మరణించారు. దానిని ఎలా కట్టడి చేయాలో మా నుండి నేర్చుకోమని మేము యుఎస్‌కు ఎప్పుడూ చెప్పలేదు. జాత్యహంకారంపై యుఎస్‌(US) అల్లర్లను ఎదుర్కొంటుంది. మేము వారికి ఉపన్యాసాలు ఇస్తామని.. వారికి ఎప్పుడూ చెప్పలేదు. బహుశా కొత్త రాయబారి భారత్‌-యుఎస్ సంబంధాల చరిత్రను తెలుసుకోవడం చాలా ముఖ్యమ‌ని కౌంట‌రిచ్చారు.