Snow In TheDesert:ఎడారి దేశం లో చిత్రం....భళారే విచిత్రం

ఎడారి లోన పూలు పూచే అంటూ ఒక సినీ కవి రాశాడు. ఇప్పుడు పూలు కూడా పూస్తూన్నాయి. వర్షాలు కూడా పడుతున్నాయి. అంతకంటే చిత్రమేమిటంటే...మంచు కురియడం. సౌదీ అరేబియాలో మునుపెప్పుడు చూడని వింత ఇది. కొన్ని ప్రాంతాలలో భారీ వర్షాలు కురియడంతో పాటు మంచు కూడా కురుస్తోంది. ఇది చూసి జనం తెగ ఆశ్చర్యపోతున్నారు. ఎన్నడూ చూడని వాతావరణాన్ని చూస్తున్నామని మురిసిపోతున్నారు. అల్ - జౌఫ్ ప్రాంతంలో భారీగా మంచు కురిసింది. మొదటి సారి అక్కడ చలి కాలపు వాతావరణం కనిపించింది. ఈ ప్రాంతంలో భారీగా వర్షాలు కురవడం, వడగళ్ళు పడటం, మంచు కురియడం అన్నది ఇంతకు ముందు ఎప్పుడూ జరగలేదు. ఇదే మొదటిసారి. మంచును చూసిన ప్రజలు సంబరపడుతున్నారు. రానున్న రోజుల్లో తుఫాన్ వచ్చే అవకాశం ఉందని, భారీ వర్షాలు పడతాయని సౌదీ వాతావరణ శాఖ తెలిపింది.