Paris Olympics : ఫుట్‌బాల్ మ్యాచ్‌లే ల‌క్ష్యంగా ఉగ్ర‌దాడికి కుట్ర.. భగ్నం చేసిన అధికారులు
పారిస్ ఒలింపిక్స్‌లో ఉగ్రదాడి చేసేందుకు పన్నిన కుట్రను భద్రతా అధికారులు భగ్నం చేశారని ఫ్రాన్స్ అంతర్గత వ్యవహారాల మంత్రి గెరాల్డ్ దర్మానిన్ శుక్రవారం తెలిపారు.
Teenager arrested for Paris 2024 Olympics terror plot
పారిస్ ఒలింపిక్స్‌లో ఉగ్రదాడి చేసేందుకు పన్నిన కుట్రను భద్రతా అధికారులు భగ్నం చేశారని ఫ్రాన్స్ అంతర్గత వ్యవహారాల మంత్రి గెరాల్డ్ దర్మానిన్ శుక్రవారం తెలిపారు. మే 22న చెచ్న్యాకు చెందిన యువకుడిని ఫ్రెంచ్ భద్రతా దళాలు అరెస్టు చేశాయని ప్రకటన పేర్కొంది. సెయింట్-ఎటియన్ నగరంలో జరుగుతున్న ఫుట్‌బాల్ మ్యాచ్‌ల సమయంలో దాడికి ప్లాన్ చేశాడనే అనుమానంతో ఓ యువకుడిని అరెస్టు చేశారు, నిందితుడు "ఇస్లామిస్ట్ భావజాలానికి ప్రభావితుడు." ఫుట్‌బాల్ ప్రేక్షకులు, భద్రతా దళాలపై దాడి చేయడం కోసం.. తన మతం కోసం.. తనను తాను త్యాగం చేసుకునేందుకు సిద్ధ‌మ‌య్యాడు.
ఇస్లామిక్ స్టేట్ గ్రూప్‌కు సంబంధించి జిహాదిస్ట్ భావజాలానికి మద్దతుగా దాడికి ప్లాన్ చేసినట్లు నిందితుడు చెప్పిన‌ట్లు నేషనల్ కౌంటర్ టెర్రరిజం కార్యాలయం శుక్రవారం ఒక ప్రకటనలో తెలిపింది. అయితే.. నిందితుడి పేరు మాత్రం వెల్లడించలేదు. నిందితుడిని అరెస్టు చేసినందుకు ఇంటెలిజెన్స్ మరియు సెక్యూరిటీ ఏజెన్సీలను పారిస్ ఒలింపిక్ ఆర్గనైజింగ్ కమిటీ ప్రశంసించింది. పారిస్ ఒలింపిక్స్ భద్రతకు అత్యంత ప్రాధాన్యత ఇస్తున్నట్లు కమిటీ పేర్కొంది. మేము ప్రతిరోజూ హోం మంత్రిత్వ శాఖ మరియు అన్ని వాటాదారులతో కలిసి పని చేస్తున్నామని పేర్కొంది. కాగా.. పారిస్ ఒలింపిక్స్ జూలై 26 నుంచి ఆగస్టు 11 వరకూ జరుగుతాయి.
