Srilanka Tourism Free Visa : శ్రీలంక కీలక నిర్ణయం... ఇండియాతో పాటు ఏడు దేశాలకు ఉచిత వీసాలు

శ్రీలంక(Sri lanka) టూర్‌కు వెళుతున్న ఇండియన్స్‌కు గుడ్‌న్యూస్‌. దేశంలో పర్యాటకాన్ని ప్రోత్సహించడానికి లంక ప్రభుత్వం ఉచిత వీసాలను(Visa) జారీ చేయాలని నిర్ణయించింది. ఈ మేరకు పర్యాటక శాక మంత్రి ఆమోదం తెలిపారు. భార‌త్‌, చైనా(China), ర‌ష్యా(Russia), మ‌లేషియా(Malesiya), జ‌పాన్‌(Japan), ఇండోనేయిష‌యా(Indonesia), థాయ్‌లాండ్(Thailand) పౌరుల‌కు ఉచితం వీసాలు జారీ ప్ర‌తిపాద‌న‌ను శ్రీలంక కేబినెట్ ఆమోదం తెలిపింది. చిత్రమేమిటంటే ఈ లిస్టులో అమెరికా లేదు. పైలట్ ప్రాజెక్టు కింద ఈ కార్య‌క్ర‌మం త‌క్ష‌ణ‌మే అమలులోకి వస్తుందని, మార్చి 31 వరకూ ఇది కొన‌సాగ‌నుంద‌ని విదేశాంగ‌మంత్రి అలీ స‌బ్రీ తెలిపారు. ఈ చర్యతో పర్యాటకానికి ఊతం లభిస్తుందని శ్రీలంక భావిస్తోంది. రాబోయే రోజుల్లో శ్రీలంకకు వచ్చే టూరిస్టుల సంఖ్య 50 లక్షలకు చేరుతుందని తాము ఆశిస్తున్నట్టు శ్రీలంక విదేశాంగమంత్రి తెలిపారు. శ్రీలంకకు టూరిజం(Srilanka Tourism) ప్రధాన ఆదాయ వనరు. ఈ క్ర‌మంలో ఆ దేశం ప్ర‌క‌టించిన ఉచిత వీసాల జాబితాలో మ‌లేషియా, జ‌పాన్‌, ఇండోనేషియా, థాయ్‌లాండ్ దేశాలు ప‌ర్యాట‌కుల తాకిడి అధికంగా ఉన్న రాష్ట్రాలు కావ‌డం విశేషం. శ్రీలంక నిర్ణ‌యంతో ఆయా దేశాల‌కు చెందిన‌ ప‌ర్యాట‌కుల‌కు వీసా ఖ‌ర్చు, స‌మ‌యం త‌గ్గ‌నుంది.