Pakistan : సోషల్ మీడియా ప్లాట్‌ఫారమ్‌ల‌పై 6 రోజుల పాటు నిషేధం
పాకిస్తాన్ లోని పంజాబ్ ప్రభుత్వం అన్ని సోషల్ మీడియా ప్లాట్‌ఫారమ్‌ల‌పై నిషేదం విధించింది.
పాకిస్తాన్ లోని పంజాబ్ ప్రభుత్వం అన్ని సోషల్ మీడియా ప్లాట్‌ఫారమ్‌ల‌పై నిషేదం విధించింది. YouTube, WhatsApp, Facebook, Instagram, TikTokల‌ను నియంత్రించాల్సిన అవసరాన్ని పేర్కొంటూ.. జూలై 13 నుండి 18 వరకు ఆరు రోజుల పాటు నిషేధించడానికి సిద్ధమైంది.
పంజాబ్‌లో 6 నుంచి 11 ముహర్రం (జూలై 13-18) మధ్య కాలంలో యూట్యూబ్, ఎక్స్, వాట్సాప్, ఫేస్‌బుక్, ఇన్‌స్టాగ్రామ్, టిక్‌టాక్ వంటి అన్ని సోషల్ మీడియా ప్లాట్‌ఫారమ్‌లను నిషేధించాలని ముఖ్యమంత్రి మర్యమ్ నవాజ్ క్యాబినెట్ కమిటీ సిఫార్సు చేసింది. 120 మిలియన్లకు పైగా జనాభా ఉన్న ఈ ప్రావిన్స్‌లో.. "ద్వేషపూరిత విషయాలను నియంత్రించడానికి.. మతపరమైన హింసను నివారించడానికి.. తప్పుడు సమాచారం అరిక‌ట్ట‌డానికి గురువారం అర్థరాత్రి పంజాబ్ ప్రభుత్వ నోటిఫికేషన్ జారీ చేసింది.
ఆరు రోజుల పాటు (జూలై 13-18) ఇంటర్నెట్‌లోని అన్ని సోషల్ మీడియా ప్లాట్‌ఫారమ్‌ల నిషేదాన్ని గురించి తెలియజేయాలని నవాజ్ ప్రభుత్వం.. కేంద్రంలోని ఆమె మామ షెహబాజ్ షరీఫ్ ప్రభుత్వాన్ని అభ్యర్థించింది.
విదేశాంగ మంత్రి, పాకిస్థాన్ ఉప ప్రధాని ఇషాక్ దార్ ఇటీవల సోషల్ మీడియాపై పూర్తిగా నిషేధం విధించాలని పిలుపునిచ్చారు.
పాకిస్తాన్ తెహ్రీక్-ఇ-ఇన్సాఫ్ వ్యవస్థాపకుడు ఇమ్రాన్ ఖాన్‌ను అధికారంలోకి రాకుండా ఆపడానికి సైనిక స్థాపన ఆదేశం మేరకు పాకిస్తాన్ ఎన్నికల సంఘం సార్వత్రిక ఎన్నికల ఫలితాలను మార్చినట్లు ఆరోపణల నేపథ్యంలో.. షెహబాజ్ ప్రభుత్వం గత ఫిబ్రవరిలో Xపై నిషేదం విధించింది.
ఏప్రిల్ 2022లో అవిశ్వాస తీర్మానం ద్వారా మాజీ ప్రధాని ఇమ్రాన్ ఖాన్‌ను తొలగించినప్పటి నుండి సైన్యం, ప్రభుత్వానికి సోషల్ మీడియాలో ఎదురుదెబ్బలు తగులుతున్నాయి. అప్పటి నుండి ఇమ్రాన్ ఖాన్ పార్టీకి చెందిన డజన్ల కొద్దీ సోషల్ మీడియా కార్యకర్తలను ప్రభుత్వం అరెస్టు చేసింది.
