Myanmar Earthquake : మయన్మార్‌ భూకంపం.. భార్యా పిల్లల కోసం బ్రిడ్జి నుంచి దూకేసిన వ్యక్తి..!

వినాశకరమైన మయన్మార్ భూకంపం సమయంలో ఓ వ్యక్తి పెద్ద సాహసమే చేశాడు. ఓ వ్యక్తి రెండు భవనాల మధ్య అనుసంధానంగా ఉన్న వంతెన తెగిపోతుండగా అవతలి భవనంలో ఉన్న తన భార్య, కూతురును కాపాడుకోవాలన్న ఆశతో వంతెన ఇవతలి నుంచి అవతలికి దూకేశాడు. ఆకాశహర్మ్యాల మధ్య నుండి దూకిన భయానక వీడియో వైరలైంది. పొరుగున ఉన్న థాయిలాండ్‌లో 7.7 తీవ్రతతో భూకంపం సంభవించిన వెంటనే క్వాన్ యంగ్ జున్ రెండు ఆకాశహర్మ్యాలను కలిపే 600 అడుగుల ఎత్తులో ఉన్న పగిలిన నడకదారిపైకి దూకాడు. భూకంపం సంభవించిన వెంటనే, పార్క్ ఆరిజిన్ థాంగ్లోర్ కాండో కాంప్లెక్స్‌లోని 52వ అంతస్తులో పని చేస్తున్న జూన్, తన భవనాన్ని తన భార్య, కూతురు ఉన్న భవనానికి మధ్య ఉన్న నడకదారి వైపు పరిగెత్తాడు. అవతలి వైపుకు చేరుకున్న తర్వాత, తన కుటుంబం అప్పటికే అక్కడి నుంచి ఖాళీ చేయబడిందని జున్ గ్రహించి, వారిని కలుసుకునేందుకు 40 అంతస్తులకు పైగా పరుగెత్తాడు. జున్ చిన్న చిన్న గాయాలతో తప్పించుకోవడం ఒక అద్భుతం తప్ప మరొకటి కాదు. ఈ వీడియో ఇప్పుడు వైరలవుతోంది. మరొక భవనానికి వెళ్లడం చాలా ప్రమాదకరమని తెల్సినా దూకేశాడు. ఈ ఘోరమైన భూకంపం ప్రభావం బ్యాంకాక్ దాటి విస్తరించి, మయన్మార్‌ను కూడా అతలాకుతలం చేసింది, ఇక్కడ మరణాల సంఖ్య 1,600 దాటింది, వేలాది మంది గాయపడ్డారు.