Donald Trump : దేవుడి దయవల్ల ప్రాణాలతో ఉన్నాను.. ట్రంప్‌ భావోద్వేగ ప్రసంగం

రిపబ్లికన్‌ పార్టీ(Republic) అధ్యక్ష అభ్యర్థి డొనాల్డ్‌ ట్రంప్‌పై(Donald Trump) జరిగిన హత్యాయత్నం అమెరికాలోనే కాదు, ప్రపంచవ్యాప్తంగా సంచలనం సృష్టించింది. అదృష్టం బాగుంది కాబట్టి త్రుటిలో ప్రాణాపాయం నుంచి తప్పించుకోగలిగారు. ట్రంప్‌ కూడా ఆ షాక్‌ నుంచి తేరుకున్నారు. దేవుడి ఆశీస్సుల వల్లే మీ ముందు నిలబడగలిగానని, ఏమాత్రం పొరపాటు జరిగినా తాను ఈ రోజు ఇక్కడ ఉండేవాడిని కాదన్నారు. మిల్వాకీలో జరిగిన పార్టీ జాతీయ సదస్సు చివరి రోజు మూడోసారి అధ్యక్ష అభ్యర్థిత్వాన్ని అధికారికంగా అంగీకరిస్తూ ట్రంప్‌ ఈ వ్యాఖ్యలు చేశారు. విశ్వాసం, బలం, ఆశతో కూడిన సందేశంతో అమెరికన్ల ముందు నిలబడ్డానంటూ తన స్పీచ్‌ను ప్రారంభించారు. అమెరికా అధ్యక్ష అభ్యర్థిగా ఉండేందుకు మీ నామినేషన్‌ను విశ్వాసం, భక్తితో గర్వంగా అంగీకరిస్తున్నానంటూ ట్రంప్‌ అన్నారు. ఈ ప్రయాణంలో తనతో సతీమణి మెలానియా అండగా ఉందని.. అందుకు ఆమెకు కృతజ్ఞతలు తెలుపుతున్నానన్నారు. ఇదిలా ఉంటే సోషల్ మీడియాలో ఓ ఫోటో వైరల్‌ అవుతోంది. ట్రంప్‌పై కాల్పులు జరిపిన వ్యక్తి బహుశా ఈ వ్యక్తి దగ్గరే ట్రైనింగ్‌ తీసుకుని ఉంటాడని జోక్‌ చేస్తున్నారు.