Vehicle Rams Into Crowd: జనం మీదకు కారును తీసుకెళ్లిన ఉన్మాది, 10 మంది మృతి

న్యూ ఇయర్ సెలబ్రేషన్ లలో విషాదం చోటు చేసుకుంది. కొత్త సంవత్సర వేడుకలు జరుపుకుంటున్న ప్రజల మీదకు ఒక కారు దూసుకెళ్లింది. (vehicle rams into crowd) ఈ దుర్ఘటనలో పది మంది మరణించారు. 30 మందికిపైగా గాయపడ్డారు. మృతుల సంఖ్య మరింత పెరగవచ్చని అంటున్నారు. అమెరికా(America)లోని న్యూ ఓర్లీన్స్‌లో జరిగిన ఈ సంఘటన కలకలం రేపింది. ప్రసిద్ధ పర్యాటక ప్రాంతమైన బోర్బన్ స్ట్రీట్‌లో నూతన సంవత్సర వేడుకలు జరుపుకోవడానికి వేలాది మంది వచ్చారు. బుధవారం తెల్లవారుజామున 3:15 గంటల సమయంలో ఒక కారు వేగంగా అక్కడున్న వారి పైకి దూసుకెళ్లింది. దీంతో సుమారు పది మంది అక్కడికక్కడే మరణించారు. 30 మందికిపైగా గాయపడ్డారు. గాయపడిన వారిని హాస్పిటల్‌కు తీసుకెళ్ళి చికిత్స అందిస్తున్నారు., ఈ సంఘటన తర్వాత కారు డ్రైవర్‌ కిందకు దిగి కాల్పులు జరిపాడు. దీంతో పోలీసులు ప్రతిగా కాల్పులు జరుపడంతో ఆ వ్యక్తి పారిపోయాడు. ఈ దుర్ఘటనకు సంబంధించిన దృశ్యాలు సోషల్‌ మీడియాలో వైరల్‌ అవుతున్నాయి.