Tatoos On Body : శరీరంపై టాటూలు వేయించుకున్నవారు రక్తదానం చేయొచ్చా..?

ప్రస్తుతం ఈ ఆధునిక జీవనశైలిలో చాలామంది తమను తాము మరింత ఆకర్షణీయంగా కనిపించేలా ఉండాలనుకుంటున్నారు. ముఖ్యంగా ఇప్పుడు ప్రజలు అందంగా కనిపించాలని.. నలుగురిలో తాము ప్రత్యేకంగా ఉండాలని కోరుకుంటున్నారు. అందుకు విభిన్నంగా దుస్తులు ధరిస్తుండగా.. మరికొందరు శరీరం మొత్తం టాటూలు(Tatoo) వేయించుకుంటున్నారు. చేతులు, కాళ్ళు, వీపుపై పచ్చబొట్లు వేయించుకుంటున్నారు.. ప్రస్తుతం శరీరంలోని అన్ని భాగాలపై టాటూలు వేయించుకునే ట్రెండ్ ఉంది. అయితే రక్త సంబంధిత సమస్యలు(Blood Related Problems) ఉన్నవారు టాటూ వేయించుకునే ముందు డాక్టర్ సలహా లేదా రక్త సంబంధిత పరీక్ష చేయించుకోవాలని టాటూల గురించి వైద్యులు సూచిస్తుంటారు. ప్రస్తుతం అన్ని వయసుల వారు తమ శరీరంపై టాటూలు వేయించుకుంటున్నారు. మరీ టాటూ ఉన్నవారు రక్తదానం చేయొచ్చా(Blood Donation) ? లేదా ? అనేది ఇప్పుడు తెలుసుకుందామా.

టాటూ ఉన్నవారు రక్తదానం చేయొచ్చా ?..
చాలా మంది ఆరోగ్య నిపుణులు అలాగే ప్రజలు పచ్చబొట్టు వేయించుకున్న తర్వాత రక్తదానం చేయడం ప్రమాదకరమని అంటుంటారు. ఒకసారి పచ్చబొట్టు వేయించుకుంటే మళ్లీ రక్తదానం చేయలేమనే ప్రచారం కూడా ఉంది. కానీ టాటూ వేయించుకున్న 6 నెలల వరకు రక్తదానం చేయలేరు.

పచ్చబొట్టు వేయించుకున్న వెంటనే రక్తదానం చేయడం ప్రమాదకరం. ఎందుకంటే పచ్చబొట్టు సూది, ఇంక్ ఈ రెండింటివల్ల హెపటైటిస్ బి, హెపటైటిస్ సి, హెచ్ఐవి వంటి అనేక రక్త సంబంధిత వ్యాధులు వచ్చే అవకాశాలు పెరుగుతాయి. అందుకే టాటూ వేయించుకున్న వెంటనే రక్తదానం చేయడం ప్రమాదకరమని ప్రపంచ ఆరోగ్య సంస్థ(WHO) తన ఉత్తర్వులో స్పష్టం చేసింది.

టాటూలు వేయించుకోవడానికి ఆదేశాలు..

అయితే ఒక వ్యక్తి రక్తానికి సంబంధించిన వ్యాధులతో బాధపడుతుంటే, దాని ప్రభావం కొంత సమయం తర్వాత మాత్రమే కనిపించడం ప్రారంభమవుతుంది. అందుకే రక్త సమస్యలు ఉన్నవారు టాటూ వేయించుకోవద్దని వైద్యులు చెబుతుంటారు. ప్రపంచ ఆరోగ్య సంస్థ ప్రకారం పచ్చబొట్టు వేసుకునేటప్పుడు ఏ సూది వాడినా అది కొత్తది కాదు. అటువంటి పరిస్థితిలో వ్యాధి వ్యాప్తి చెందే అన్ని అవకాశాలు ఉన్నాయి. ఇప్పటి వరకు పచ్చబొట్టు వేయించుకోవడం నిషేధించబడినట్లు మార్గదర్శకాలు ఏవీ లేవు. అయితే టాటూలు వేయించుకున్న వెంటనే రక్తదానం చేయకూడదని కొన్ని ఆదేశాలు ఉన్నాయి. అందుకే టాటూ వేయించుకుంటే మంచి టాటూ పార్లర్‌లో మాత్రమే చేయించుకోవాలని, లేకుంటే చాలా ప్రమాదమని తరచూ చెబుతుంటారు. పచ్చబొట్టు వేయించుకున్న 6 నెలల తర్వాత తప్పనిసరిగా రక్త పరీక్ష చేయించుకోవాలి. అలాగే ఎవరికైనా రక్తం అవసరమైతే 6 నెలల తర్వాత మాత్రమే రక్తదానం చేయాలి.