Heat Stroke : హీట్ స్ట్రోక్ బారిన పడకుండా ఉండాలంటే ఈ జాగ్రత్తలు తీసుకోండి..

తెలుగు రాష్ట్రాలపై భానుడు నిప్పుల వర్షం కురుస్తున్నాడు. ఎండలు విపరీతంగా ఉన్నాయి. దీంతో హీట్ స్ట్రోక్(Heat stroke) ప్రాణాలను తీస్తోంది. గత మూడు రోజుల్లో వడదెబ్బ కారణంగా ప్రాణాలు కోల్పోయిన వారి సంఖ్య 100 దాటింది. పెరుగుతున్న ఉష్ణోగ్రత(Temperature) , వేడి స్ట్రోక్ కారణంగా 3 రోజుల్లో చాలామంది మరణించారు. హీట్ స్ట్రోక్ కారణంగా టాలీవుడ్ కొరియోగ్రాఫర్ రాకేష్ మాస్టర్(Rakesh Master) సైతం కన్నుమూసిన సంగతి తెలిసిందే. ఆస్పత్రుల్లో వాంతులు, విరేచనాలు, అపస్మారక స్థితి, బీపీ సమస్యలతో బాధపడుతున్న రోగుల సంఖ్య రోజూ రోజూకీ పెరుగుతోంది. ఈ సీజన్ లో హీట్ స్ట్రోక్ నుంచి మిమ్మల్ని మీరు కాపాడుకోవడం చాలా ముఖ్యం. హీట్ స్ట్రోక్ రాకుండా ఉండేందుకు కొన్ని జాగ్రత్తలు తీసుకోవడం ముఖ్యం.

జాగ్రత్తలు..
1. హీట్ స్ట్రోక్ రాకుండా ఉండాలంటే శరీరాన్ని హైడ్రేటెడ్(Body Hyderation) గా ఉంచుకోవడం చాలా ముఖ్యం. అయితే కేవలం నీళ్లు మాత్రమే తాగడం వల్ల హీట్ స్ట్రోక్ రాకుండా ఉండదు. ఎలక్ట్రోలైట్ సొల్యూషన్(Electrolyte Solutions), లెమన్ వాటర్(Lemon Water), ఫ్రెష్ ఫ్రూట్ జ్యూస్(Fruit juice) తాగాలి. ఇంటి నుండి బయటకు వెళ్ళిన ప్రతిసారి చాలా నీరు తాగాలి, అలాగే పండ్ల రసం లేదా ORS తీసుకోవాలి. అప్పుడప్పుడూ వీటిని తాగడం ద్వారా మిమ్మల్ని మీరు సురక్షితంగా ఉంచుకోవచ్చు. ఎండలో తిరిగి బయటి నుంచి ఇంటికి తిరిగి వచ్చిన తర్వాత చల్లటి పాలు, కొబ్బరి నీరు, మామిడి పన్నాతోపాటు నిమ్మరసం తీసుకోవచ్చు.

2. హీట్ స్ట్రోక్ నుండి సురక్షితంగా ఉండటానికి ఎండ నుండి ఇంటికి తిరిగి వచ్చిన తర్వాత చల్లని ప్రదేశంలో(Cool Places) విశ్రాంతి తీసుకోవాలి. అంతేకానీ ఎక్కువగా నడవకూడదు. ఆసమయంలో శరీరం సాధారణ గాలిని తీసుకోలేదు. ఉష్ణోగ్రత తగ్గిన తర్వాత గాలిలో ఉండడం.. స్నానం చేయొచ్చు.

3. ఏదైనా అత్యవసర పని ఉన్నప్పుడు ఉదయం 10:00 గంటలలోపు ఇంటి నుండి బయలుదేరి మధ్యాహ్నం వరకు ఇంటికి వచ్చేలా ప్లాన్ చేసుకోండి. ఎందుకంటే ఉదయం 10:00 నుండి ఉదయం 4:00 గంటల మధ్య ఎండలు ఎక్కువగా శరీర ఉష్ణోగ్రత క్షీణిస్తుంది. దీంతో మీరు అనారోగ్యానికి గురికావచ్చు. ఈ సమయంలో వ్యాయామం లేదా క్రీడలను కూడా తగ్గించడం మంచిది.

4. వేసవిలో ఎల్లప్పుడూ సౌకర్యవంతమైన దుస్తులను(Comfortable clothes) ధరించండి. ఎండలోకి వెళ్లే ముందు కాటన్ దుస్తులు(Cotton Clothes), ఫుల్ స్లీవ్(Full Sleves) దుస్తులు ధరించండి. తల, చెవులను కాటన్ క్లాత్‌తో కప్పేలా చూసుకోండి. దీని వల్ల శరీర ఉష్ణోగ్రత అదుపులో ఉంటుంది. అలాగే గొడుగు కూడా ఉపయోగించండి. దీని కారణంగా వేడి మీ తలకు నేరుగా హాని కలిగించదు.

5. వేసవి కాలంలో కొవ్వు అధికంగా ఉండే, మసాలా(spices), ఎక్కువ చక్కెర(sugar) ఉన్న పదార్థాలను తీసుకోవడం మానుకోండి. ఈ రకమైన ఆహారం శరీర ఉష్ణోగ్రత తగ్గించదు. అలాగే మిమ్మల్ని అనారోగ్యానికి గురి చేస్తుంది.వేసవిలో ఆకలిగా ఉండకూడదు.

6. కొత్తిమీర(Coriander), పుదీనా(Mint) రెండూ శీతలీకరణ గుణాలను కలిగి ఉంటాయి. వేడి స్ట్రోక్‌ రాకుండా ఉండాలంటే వేసవిలో ప్రతిరోజూ కొత్తిమీర, పుదీనా నీరు తాగడం మంచిది.