Pot Water Uses In summer : కూలింగ్ నీళ్లు ఎక్కువగా తాగుతున్నారా ?అయితే జాగ్రత్త .!

వేసవికాలం (summer)వచ్చేసింది అందరు చల్లటి వస్తువులను తినటానికి ,తాగటానికి ఇష్టపడుతూ ఉంటారు.ముఖ్యంగా చల్లటి ఫ్రిడ్జ్ వాటర్ తాగని వారుండరు. నిజానికి వేసవిలో శరీరానికి నీటి అవసరం ఎక్కువుగా ఉంటుంది. వీపరీతమైన దాహం వేస్తుంటుంది . దాంతో చల్లటి నీరు తాగటానికి ఇష్టపడతాం . నిజానికి అతి చల్లగా మంచినీరు లేదా ఏ ఇతర పదార్దాలు తీసుకున్న అవి ఆరోగ్యానికి తీవ్ర హాని చేస్తాయి . అందుకే వేసవిలో మట్టి కుండలోని నీటిని తాగటం శ్రేష్టం. పిల్లలకు ముఖ్యంగా ఈ అలవాటు చేయటం మంచిది . కూల్ డ్రింక్స్ జోలికి పోనీయకుండా ఈ కుండలో నీటిని అలవాటు చేయండి .కుండలో నీరు చల్లదనము కోసమే కాదు నిజానికిమట్టి కుండలో నీరు తాగటం వలన అనేక ఆరోగ్య ప్రయోజనాలు ఉంటాయి . ఫ్రిడ్జిలు లేని కాలంలో మన పూర్వికులు ఈ మట్టి కుండా నీటిని తాగి ఎంతో ఆరోగ్యంగా జీవించేవారు . కుండలోని నీటి వలన ఎన్ని ప్రయోజనాలు ఉన్నాయో తెలుసుకుందాం .

మట్టికుండలో నీటిని వేసినపుడు అవి సహజంగానే చల్లగా మారుతాయి. . మట్టి కుండ (pot water)ఉపరితలంపై ఉన్న చిన్న రంధ్రాల ద్వారా నీరు వేగంగా ఆవిరైపోతుంది. ఈ బాష్పీభవన ప్రక్రియలో కుండలోని నీటిలో వేడి తగ్గి పోయి అవి సహజంగా చల్లగా మారుతాయి .

రిఫ్రిజిరేటర్(fridge) నుండి నేరుగా చల్లటి నీటిని తాగడం వల్ల దగ్గు ,జలుబు ఇంకా గొంతు నొప్పి వంటి చికాకులు వస్తాయి . మరోవైపు, మట్టి కుండ నీరు వలన గొంతుకు ఉపశమనం కలిగిస్తుంది అలాగే దగ్గు,జలుబు వంటివి దరిచేరనివ్వదు . అలాగే కుండా నీటిని తాగడం వల్ల వృద్యాప్యం తొందరగా దరిచేరనీయదు .

కుండలో నీటిని తాగటం వలన జీర్ణ సంబంధమైన వ్యాధులు రావు .ఫ్రిడ్జ్ నీటిని తీసుకోవటం వలన ఆహారం తొందరగా జీర్ణం కాదు . అందువల్ల ఎసిడిటీ ఇంకా ఉదర సంబంధించిన సమస్యలు వస్తాయి. కుండా నీటి వలన ఇలాంటి సమస్యలు తలెత్తవు .

ప్రతిరోజూ మట్టి కుండ నీటిని తాగడం వల్ల జీవక్రియ పెరుగుతుంది ఎందుకంటే ఇందులో ఏ రకమైన రసాయనాలు ఉండవు. నీటిలో ఉండే ఖనిజాలు జీర్ణక్రియకు కూడా సహాయపడతాయి.

వేసవిలో వేడి, వడదెబ్బ(sun stroke) అనేది సాధారణ సమస్య. మట్టి కుండ నుండి నీరు త్రాగడం వడదెబ్బను నివారించడంలోఉపయోగపడుతుంది . ఎందుకంటే మట్టి కుండ నీటిలోని సహజంగా ఏర్పడే విలువైన ఖనిజాలు ఇంకా పోషకాలు మనకు లభిస్తాయి . ఇవి డి హైడ్రాషన్ (de hydration)సమస్యను దరిచేరనివ్వదు .

మనం మినరల్ వాటర్(mineral water) అని కొనుక్కొని డబ్బులు పోసి తాగే నీరుకంటే ఎన్నో రేట్ల మెరుగైన ఆరోగ్యాన్ని ,ఆయుషుని అందిచే కుండ నీరు శ్రేయస్కరం .