Dengue Fever : వర్షాకాలంలో డెంగ్యూ ఫీవర్‏తో జాగ్రత్త.. రక్తంలో ప్లేట్‏లెట్స్ ఎలా కాపాడుకోవాలంటే..

వర్షాకాలం రాగానే నగరాల్లో డెంగ్యూ ఫీవర్(Dengue Fever) వ్యాప్తిచేందుతుంది. డెంగ్యూ భారీన పడితే వెంటనే రక్తంలో ప్లేట్‌లెట్స్(platelets) భారీగా తగ్గిపోతాయి. సాధారణంగా ఒక మాములు మనిషికి రక్తంలో మైక్రోలీటర్‌కు 1.5 లక్షల నుండి 4 లక్షల ప్లేట్‌లెట్స్ ఉంటాయి. కానీ డెంగ్యూ విషయంలో మాత్రం 50 వేల కంటే తక్కువకు చేరతాయి. అటువంటి పరిస్థితిలో ఇప్పటికే ప్లేట్‌లెట్స్ తక్కువగా ఉన్నవారు డెంగ్యూ రాగానే.. చాలా సమస్యలను ఎదుర్కోవలసి ఉంటుంది. అందుకే శరీరంలో ప్లేట్‌లెట్స్ ఎల్లప్పుడూ తగినంత సంఖ్యలో ఉండేలా చూసుకోవాలి. ప్లేట్‌లెట్స్ సంఖ్య తక్కువగా ఉన్నప్పుడు చర్మం కట్ అయినా లేదా గాయమైనా, రక్తం గడ్డకట్టడం కష్టం అవుతుంది. ప్లేట్‌లెట్స్ ఒక విధంగా చెప్పాలంటే రక్తకణాల చిన్న ముక్కలుగా ఉంటాయి. మన శరీరంలో ఎక్కడైనా కట్ అవడం లేదా గాయం అయినప్పుడు, అక్కడ రావడం ప్రారంభించిన వెంటనే ప్లేట్‌లెట్స్ అక్కడ ట్రాప్ ఏర్పడటం ప్రారంభిస్తాయి. దీంతో రక్తం గడ్డకట్టడం ప్రారంభమవుతుంది, ఆ తర్వాత శరీరం నుండి రక్తం రావడం ఆగిపోతుంది. ప్లేట్‌లెట్స్ తగ్గడం కూడా ప్రమాదకరం.

రక్తంలో ప్లేట్‌లెట్స్ తగ్గడానికి సంకేతాలు..

రక్తంలో ప్లేట్‌లెట్స్ లోపం ఉంటే అనేక సంకేతాలు కనిపిస్తాయి. అలా లక్షణాలను చూసి ఎవరైనా ముందుగానే తెలుసుకోవచ్చు. లక్షణాలు తెలుసుకుని ప్లేట్‌లెట్స్ లోపాన్ని పూర్తి చేస్తే డెంగ్యూ వచ్చినా ప్లేట్‌లెట్ల కొరత ఉండదు.
ప్లేట్‌లెట్స్ లేకపోవడంతో ఈ సంకేతాలు కనిపిస్తాయి..
1. కొద్దిగా రుద్దిన తర్వాత కూడా చర్మం రక్తం రావడం ప్రారంభమవుతుంది.
2. చర్మంపై దద్దుర్లు కనిపిస్తాయి. ఇది తేలికగా ఉన్నప్పుడు రక్తస్రావం ప్రారంభమవుతుంది.
3. చర్మం కట్ అయిన వెంటనే రక్తం చాలా సేపు వస్తూనే ఉంటుంది.
4. దంతాల చిగుళ్ళు మరియు ముక్కు నుండి రక్తస్రావం.
5. మూత్రం, మలం నుండి రక్తస్రావం జరుగుతుంది.
6. పీరియడ్స్ లో చాలా బ్లీడింగ్ అవుతుంది.
7. విపరీతమైన అలసట ఉంటుంది.
8. ప్లీహము చాలా పెద్దదిగా మారుతుంది.

ప్లేట్‌లెట్స్ పెంచుకోవడానికి మార్గాలు..
హెల్త్‌లైన్ వార్తల ప్రకారం, రక్తంలో ప్లేట్‌లెట్లను పెంచడానికి అనేక రకాల విటమిన్లు, ఖనిజాలు తీసుకోవడం అవసరం. వీటిలో విటమిన్ బి12 ముఖ్యమైన పాత్ర పోషిస్తుంది. విటమిన్ బి కోసం గుడ్లు, మటన్, పాల ఉత్పత్తులు, ఆవు పాలు, పచ్చి కూరగాయలు తీసుకోవాలి. దీనితో పాటు ఫోలేట్, ఐరన్, విటమిన్ సి కూడా అవసరం. ఫోలిక్ యాసిడ్ కోసం, వేరుశెనగ, పచ్చి బఠానీలు, కిడ్నీ బీన్స్, నారింజ, నారింజ రసం తీసుకోవాలి. ఐరన్ కోసం పాలకూర, పచ్చి కూరగాయలు, గుమ్మడి గింజలు, శెనగలు మొదలైనవి తినాలి. విటమిన్ సి కోసం నిమ్మ, నారింజ, క్యాలీఫ్లవర్, పైనాపిల్, క్యాప్సికం, టొమాటో మొదలైన సిట్రస్ పండ్లను తీసుకోవాలి. అదే సమయంలో, బొప్పాయి ఆకులను నమలడం వల్ల కూడా రక్తంలో ప్లేట్‌లెట్ల సంఖ్య వేగంగా పెరుగుతుందని ఒక అధ్యయనంలో వెల్లడైంది..