మహిళల్లో బ్రెస్ట్ క్యాన్సర్‌కు కారణాలు చాలా ఉంటాయి. జన్యుపరమైన, జీవనశైలి, పర్యావరణ కారకాల కలయిక వల్ల ఉండే అవకాశం ఉంది.
గేదె లేదా ఆవు పాలు తాగడం వల్ల బ్రెస్ట్ క్యాన్సర్ వస్తుందనే వాదన గురించి కూడా చర్చిద్దాం. BRCA1, BRCA2 జన్యుమార్పులు బ్రెస్ట్ క్యాన్సర్ రిస్క్‌ను గణనీయంగా పెంచుతాయి. కుటుంబ చరిత్ర తల్లి, సోదరి లేదా దగ్గరి బంధువుల్లో క్యాన్సర్ ఉంటే రిస్క్ ఎక్కువ. ఎస్ట్రోజెన్ హార్మోన్ స్థాయిలు ఎక్కువగా ఉండటం తొలి ఋతుస్రావం చిన్న వయసులో లేదా ఆలస్యంగా మెనోపాజ్ రావడం. హార్మోన్ రీప్లేస్‌మెంట్ థెరపీ లేదా గర్భనిరోధక మాత్రలు దీర్ఘకాల వాడడం కూడా కారణం కావచ్చు. అధికంగా మద్యం తాగడం రిస్క్‌ను పెంచుతుంది. ఊబకాయం లేదా అధిక బరువు, ముఖ్యంగా మెనోపాజ్ తర్వాత. శారీరక శ్రమ లేకపోవడం, ధూమపానం, రేడియేషన్ ఎక్స్‌పోజర్, వయసు 40 ఏళ్లు దాటిన తర్వాత రిస్క్ ఎక్కువ ఉంటుంది.
పిల్లలను కనకపోవడం లేదా ఆలస్యంగా తల్లి కావడం కూడా బ్రెస్ట్ క్యాన్సర్‌కు కారణం ఉంటుంది. ఆవు పాలలో సహజ హార్మోన్లు ఎస్ట్రోజెన్, ప్రొజెస్టెరాన్ ఉంటాయి. కొన్ని అధ్యయనాలు ఈ హార్మోన్లు బ్రెస్ట్ క్యాన్సర్ రిస్క్‌ను కొద్దిగా పెంచవచ్చని సూచిస్తున్నాయి. అయితే ఈ ప్రభావం చాలా తక్కువగా ఉంటుందని, ఇది ఎక్కువగా ఆధునిక డైరీ ఉత్పత్తులలో హార్మోన్ ఉపయోగంతో సంబంధం కలిగి ఉండవచ్చని కొందరు శాస్త్రవేత్తలు అంటున్నారు. పాలలో ఐజీఎఫ్‌-1 అనే ప్రొటీన్ ఉంటుంది, కొన్ని అధ్యయనాలు అధిక ఐజీఎఫ్‌-1 స్థాయిలు బ్రెస్ట్ క్యాన్సర్ రిస్క్‌తో ముడిపడి ఉండవచ్చని సూచిస్తున్నాయి. అధిక కొవ్వు గల డైరీ ఉత్పత్తులు జున్ను, వెన్న)రిస్క్‌ను కొద్దిగా పెంచవచ్చని కొన్ని అధ్యయనాలు చెబుతున్నాయి.
పండ్లు, కూరగాయలు, తృణధాన్యాలు ఎక్కువగా తీసుకోవడం వల్ల క్యాన్సర్ రిస్క్ తగ్గవచ్చు. 40 ఏళ్లు దాటిన మహిళలు మామోగ్రామ్, సెల్ఫ్-బ్రెస్ట్ ఎగ్జామినేషన్ వంటివి చేయించుకోవాలి. బరువు నియంత్రణ, వ్యాయామం, మద్యం/ధూమపానం తగ్గించడం. బ్రెస్ట్ క్యాన్సర్ ఒకే కారణం వల్ల రాదు, దీనికి అనేక రకాల కారణాలు ఉంటాయని అధ్యయనంలో వెల్లడైంది.
