Cancer Prevention: ఈ రెండింటికి దూరంగా ఉంటే క్యాన్సర్‌ దరిచేరదు

ఈ రోజుల్లో, "క్యాన్సర్" అనే పేరు వినగానే చాలా మంది భయపడతారు. ఇది ప్రపంచాన్ని వణికిస్తున్న మహమ్మారి. చాలా మంది ఈ వ్యాధి బారిన పడి ప్రాణాలు వేలాది మంది కోల్పోతున్నారు. అయితే కొన్ని సాధారణ జాగ్రత్తలతో ఈ ప్రమాదకరమైన వ్యాధి బారిన పడకుండా ఉండవచ్చని నిపుణులు చెబుతున్నారు. ప్రఖ్యాత డైటీషియన్ నికోల్ ఆండ్రూస్ ఇటీవల వైరల్ అయిన ఇన్‌స్టాగ్రామ్ వీడియోలో క్యాన్సర్ గురించి కొన్ని షాకింగ్ నిజాలను వెల్లడించారు. మన రోజువారీ ఆహారంలో రెండు ప్రమాదకరమైన పదార్థాలు క్యాన్సర్ ప్రమాదాన్ని గణనీయంగా పెంచుతాయని ఆమె వెల్లడించారు. నికోల్ ఆండ్రూస్ ప్రకారం, క్యాన్సర్‌కు ప్రధాన కారకులు ఆల్కహాల్, ప్రాసెస్ చేసిన మాంసాలు (ప్రాసెస్డ్ మీట్స్). ఆల్కహాల్ తీసుకోవడం వల్ల కాలేయం దెబ్బతినడమే కాకుండా రొమ్ము, నోరు, గొంతు, అన్నవాహిక, పెద్దప్రేగు క్యాన్సర్‌ల ముప్పు పెరుగుతుందని వివరించారు. ఆల్కహాల్ శరీరంలోకి ప్రవేశించినప్పుడు, ఎసిటాల్డిహైడ్‌గా మారుతుంది, ఇది DNAను దెబ్బతీస్తుంది క్యాన్సర్ కణాల పెరుగుదలను ప్రోత్సహిస్తుంది. మరో మాటలో చెప్పాలంటే, ఆల్కహాల్ క్యాన్సర్ కారకంగా పనిచేస్తుంది.