Chia Seeds : చియా గింజల వల్ల ఎన్ని ప్రయోజనాలున్నాయో తెలుసా..!

చియా గింజల్లో(chia seeds) విటమిన్లు, ప్రొటీన్లు, ఫైబర్‌ మరియు యాంటీ ఆక్సిడెంట్లు పుష్కలంగా ఉంటాయి. వీటిని తీసుకోవడం వల్ల ఆరోగ్యానికి అనేక ప్రయోజనాలు చేకూరుతాయి. ముఖ్యంగా మహిళలకు ఇది వరం. ఇవి చూసేందుకు నలుపు-బూడిద రంగులో ఉంటాయి. ఈ విత్తనాల్లో పోషకాలు పుష్కలంగా ఉంటాయి. ఈ చియా విత్తనాలు నానబెట్టిన నీటిని రోజూ తాగడం వల్ల అనేక వ్యాధుల నుంచి బయటపడే అవకాశం ఉంది. అనేక విటమిన్లు, ఫైబర్, ప్రోటీన్, ఒమేగా-3 కొవ్వు ఆమ్లాలు, కాల్షియం, మాంగనీస్, మెగ్నీషియం మరియు ఫాస్పరస్ చియా గింజల్లో ఉంటాయి. మహిళలు తమ ఆహారంలో దీనిని చేర్చుకోవడం ద్వారా తమను తాము ఆరోగ్యంగా మరియు ఫిట్‌గా మార్చుకోవచ్చు. చియా సీడ్స్ తీసుకోవడం వల్ల ఎముకలు దృఢంగా ఉంటాయి, చక్కెర స్థాయిలు అదుపులో ఉంటుంది. బరువు తగ్గడం, గుండె సమస్యల నుంచి ఉపశమనం కలిగిస్తాయి.

జుట్టుకు(Hair) ప్రయోజనకరమైనది

చియా గింజలు జుట్టుకు దివ్యౌషధం. వీటిని రోజూ తింటే చియా గింజలు జుట్టు పెరుగుదలను మెరుగుపరుస్తాయి. చియా గింజలు జట్టు విరిగిపోకుండా, రాలకుండా కాపాడుతాయి.చియా గింజలలో ఉండే భాస్వరం మరియు మెగ్నీషియం జుట్టును మూలాల నుంచి దృఢంగా ఉంచుతాయి.

చర్మానికి(Skin) దివ్యౌషధం

చియా గింజలను తినడం వల్ల చర్మంపై వచ్చే వృద్ధాప్య లక్షణాలు నివారించవచ్చు. ఇవి ముఖానికి అద్భుతమైన మెరుపును తెస్తుంది. వీటిని తినడం వల్ల చర్మం తేమగా ఉంటుంది. ఇందులో ఉండే ప్రొటీన్ స్కిన్ డ్యామేజ్‌ను రిపేర్ చేసి యవ్వనంగా మరియు అందంగా ఉంచుతుంది. ఒమేగా-3 ఫ్యాటీ యాసిడ్స్ సమృద్ధిగా ఉండటం వల్ల చర్మం మంటను తగ్గిస్తుంది. అంతేకాకుండా యాంటీఆక్సిడెంట్లు ఫ్రీ రాడికల్స్‌తో పోరాడేందుకు సహాయపడతాయి.

బరువు తగ్గడానికి(Weight loss) ఉపయోగపడుతుంది

చియా సీడ్స్ తీసుకోవడం వల్ల బరువు పెరగడం లేదా ఊబకాయం రాదు. బరువు తగ్గాలనుకుంటే ఆహారంలో చియా విత్తనాలను చేర్చుకోవాలి. ఇందులో ఉండే ఫైబర్‌ జీర్ణక్రియను మెరుగుపరుస్తుంది. అజీర్ణం, ఎసిడిటీ సమస్యల నుంచి ఉపశమనం పొందవచ్చు

ఎముకలను(Bone Benefits) బలంగా ఉంచుతాయి

చియా గింజల్లో పుష్కలంగా కాల్షియం ఉండడంతో ఎముకలు బలంగా ఉండేలా సహాయపడతాయి. అంతే కాకుండా ఎముకల ఆరోగ్యానికి మేలు చేసే ఫాస్పరస్, మెగ్నీషియం వంటి మినరల్స్ ఇందులో లభిస్తాయి. చియా సీడ్స్ తీసుకోవడం వల్ల ఎముకలకు సంబంధించిన వ్యాధులు తగ్గుతాయి