Cycling Benefits : రోజూ గంటపాటు సైకిల్ తొక్కడం వల్ల ఎన్ని ఉపయోగాలు ఉన్నాయో తెలుసా..?

సైకిల్ తొక్కడం(cycling) వల్ల ఎన్నో ఉపయెగాలు ఉన్నాయి అయితే అవి తెలుసుకునేు ముందు.. సైకిల్ ఎలా తొక్కాలి.. ఎలాంటి జాగ్రత్తలు తీసుకోవాలి అనేది చూద్దాం. సైకిల్ తొక్కే ముందు మీరు మితంగా ఆహారం(Food) తీసుకోవాలి. నీరు(Water) కూడా మితంగానే త్రాగాలి. ఆహారం మరియు నీరు ఎక్కువగా ఉంటే వేగంగా సైక్లింగ్ చేసే సమయంలో వాంతులు వచ్చే అవకాశం ఉంది.

మొదట నెమ్మదిగా ప్రారంభించండి మరియు క్రమంగా మోస్తరు, వేగం.. ఆతరువాత చాలా వేగం పెంచండి. . సగటున, గంటకు 20-25 కిలోమీటర్ల వేగంతో నడపడం ఉత్తమం. ఉదయం మరియు సాయంత్రం సైక్లింగ్ చేయడం ఉత్తమం. ఎందుకంటే మధ్యాహ్నం శిక్షణ సమయంలో, అధిక ఉష్ణోగ్రత కారణంగా శరీరం సులభంగా అలసిపోతుంది.

ఇక సైక్లింగ్ వల్ల ఉపయోగాలు చూస్తే.. హృదయ స్పందన రేటును(heart beat rate) పెంచడానికి, గుండెను బలోపేతం చేయడానికి, ఎముకలు(Bones) మరియు కీళ్లను బలోపేతం చేయడానికి మరియు కండరాలను బలోపేతం చేయడానికి ఇది సహాయపడుతుంది. గ్లోవ్స్‌తో(Gloves) సైక్లింగ్ చేయడం వల్ల అరచేతులపై ఉన్న పైభాగం మొత్తం బరువు బ్యాలెన్స్ అవుతుంది. సైక్లింగ్‌లో వదులుగా ఉండే దుస్తులు మరియు క్వాలిటీ షూస్ వేసుకోవడం ఉత్తమం.

చిన్నతనం నుండే సైకిల్ తొక్కడం వల్ల ఊబకాయాన్ని నివారించవచ్చు. సైకిల్ తొక్కడం వల్ల మనం తినే ఆహారం నుండి ఎక్కువ కేలరీలు బర్న్ చేయగల సామర్థ్యం లభిస్తుంది. సైక్లింగ్‌ను ముందు పాదంతో తొక్కాలి. అప్పుడే కాలి కండరాలు అదనపు బలాన్ని పొందుతాయి.

ప్రతిరోజూ ఒక గంట సైకిల్ తొక్కడం వల్ల చేతులు, కాళ్ల కండరాలు బలపడతాయి. శరీరంలో రక్తప్రసరణను సక్రమంగా నిర్వహించి రక్తపోటు, మధుమేహాన్ని అదుపులో ఉంచుతుంది. సైకిల్ తొక్కడం వల్ల శరీరంలోని వేడి చెమట రూపంలో తొలగిపోతుంది.