Mango Pudding : వేసవిలో చల్ల చల్లగా మ్యాంగో ఫుడ్డింగ్ రెసిపీ.. ఎలా తయారు చేయాలో తెలుసుకోండి..

వేసవిలో లభించే పండ్లలో మామిడి(Mango) ఒకటి. ఇది సీజనల్ ఫ్రుట్. వేసవిలో దొరికే ఈ పండ్లు అంటే ఇష్టముండని వారుండరు. అంతేకాకుండా.. దీంతో ఎన్నో ఆరోగ్య ప్రయోజనాలు ఉన్నాయి. అయితే మామిడి పండ్లను రెగ్యూలర్ గా కాకుండా.. షేక్స్.. పానియంగా మార్చుకుని. జ్యూస్ గా తీసుకుంటారు. కానీ కాస్త విభిన్నంగా ట్రై చేస్తే రుచితోపాటు.. ఆరోగ్య ప్రయోజనాలు ఉన్నాయి. మరీ ఆ కొత్త రెసిపీ ఏంటీ అనుకుంటున్నారా ? అదే.. మ్యాంగో ఫుడ్డింగ్(Mango pudding) రెసిపీ. దీనిని రెడీ చేయడం చాలా సులభం. మామిడి(Mango), కొబ్బరి పాలు(Coconut milk), చియా గింజలు(chia Seeds) ఉంటే ఐదు నిమిషాల్లో రెడీ అవుతుంది. మరీ దీనికి కావాల్సిన పదార్థాలెంటో తెలుసుకుందామా.

కావలసిన పదార్థాలు..
పండిన మామిడి - 2
కొబ్బరి పాలు - 1 1/2 కప్పులు
తేనె - 3 టేబుల్ స్పూన్లు
చియా విత్తనాలు - 4 టేబుల్ స్పూన్లు
బెరడు పొడి - 1/4 టేబుల్ స్పూన్
బాదం - 2 టేబుల్ స్పూన్లు

తయారీ విధానం..
ముందుగా మీడియం పండిన రెండు మామిడికాయలను తీసుకుని బాగా కడగాలి. ఆ తర్వాత చిన్న ముక్కలుగా కట్ చేసుకోవాలి. తరిగిన ముక్కలను మిక్సీలో వేసి మెత్తగా రుబ్బుకోవాలి. తర్వాత ఒక గిన్నె తీసుకుని అందులో చియా సీడ్స్ వేయాలి. కొబ్బరి తురుము, దానితో కొబ్బరి పాలు తీసుకోవాలి. చియా గింజలతో గిన్నెలో కొబ్బరి పాలను పోయాలి. తర్వాత దానికి కొంచెం తేనె, బెరడు పొడిని కలిపి రాత్రంతా నాననివ్వాలి. ఉదయాన్నే వాటిని తీసుకుని అందులో మామిడికాయ గుజ్జును వేసి కలపాలి. తాజా మామిడికాయ ముక్కలను మళ్లీ కలుపుకోవచ్చు. ఆ తర్వాత దానిలో బాదంపప్పుల తురుము వేసుకోవాలి. చివరగా దానిని ఒక గంట ఫ్రీజర్‌లో ఉంచి తీసుకోవాలి.

మామిడి ప్రయోజనాలు..
ఎండాకాలంలో మామిడి పండ్లు తింటే ఆరోగ్యానికి చాలా మంచిది. అయితే ఎంత మంచిది అయినా.. కొన్ని జాగ్రత్తలు తప్పని సరి..ఇందులో ఫైబర్ అధికంగా ఉంటుంది. ఇందులో ఫోలేట్, బీటా కెరాటిన్, ఐరన్, విటమిన్లు A, C అలాగే కాల్షియం, జింక్, విటమిన్ E వంటి పోషకాలు ఉన్నాయి. అంతేకాకుండా.. యాంటీ ఆక్సిడెంట్లు పుష్కలంగా ఉంటాయి. ఇది చర్మానికి చాలా మేలు చేస్తుంది. ఇది చర్మం ఆయిల్ ఉత్పత్తిని తగ్గించడంలో సహాయపడుతుంది. ఇది ముడతలు, ఫైన్ లైన్స్ వంటి వృద్ధాప్య సంకేతాలను తగ్గిస్తుంది. ఇది గుండెను ఆరోగ్యంగా ఉంచుతుంది. మామిడి పండ్లలో ఫైబర్, పొటాషియం, విటమిన్లు వంటి పోషకాలు ఉంటాయి. ఇవి గుండె జబ్బుల ప్రమాదాన్ని తగ్గించడంలో సహాయపడతాయి. మామిడిలో కరిగే ఫైబర్ ఉంటుంది. ఇది చాలా కాలం పాటు కడుపు నిండుగా ఉంచుతుంది. దీనివల్ల మీరు తక్కువ తినవచ్చు. కాబట్టి దీన్ని తీసుకోవడం వల్ల బరువు తగ్గుతారు.