Summer Cold Remedies : వేసవి కాలం జలుబు ఎలా సాధ్యం... నివారణ ఏంటి..?

సాధారణంగా మనలో చాలా మందికి చలికాలంలో జలుబు వస్తుంది. అయితే వేడి వేడిగా ఉండే వేసవికాలంలో(Summer) కూడా.. కొందరికి జలుబు(Cold) చేస్తుందని మీకు తెలుసా..? వైరల్ ఇన్ఫెక్షన్(Infection), ఎక్కువ ఏసీని ఉపయోగించడం మరియు శీతల పానీయాలు లేదా ఐస్ క్రీం(Ice cream) వంటి శీతల ఆహారాలు తినడం వంటివి దీనికి కారణం కావచ్చు.

వేసవికాలంలో కూడా కొంత మందికి రాత్రి చలి అదికంగా ఉంటుందని తెలుసా..? వేసవి చలి శీతాకాలపు చలిని పోలి ఉంటుంది. అయితే.... కారణాన్ని సరిగ్గా గుర్తించినట్లయితే వేసవి జలుబును సులభంగా నయం చేయవచ్చు. అంతే కాకుండా వేసవిలో వచ్చే జలుబు వల్ల వచ్చే ఇన్ఫెక్షన్ల నుండి మిమ్మల్ని మీరు రక్షించుకోవడానికి నివారణ చర్యలు తీసుకోవచ్చు.

జలుబు, అలెర్జీ బాధితులు తుమ్ములు, ముక్కు కారడం, గొంతు దురద వంటి లక్షణాలను కలిగి ఉంటారు. అయితే ఇది వేసవి లో కలిగే జలుబుకు కూడా లక్షణాలుగా కలిగి ఉంటాయి. . అంతే కాకుండా దగ్గు, చెమట, జ్వరం వంటి లక్షణాలు కూడా వస్తాయి. వేసవిలో చెమటలు పట్టడం సర్వసాధారణం. దీని వల్ల శరీరంలో తేమ ఎక్కువ కాలం ఉండి జలుబు వచ్చే అవకాశాలు ఎక్కువ. అదే విధంగా ఎండలో ఎక్కువ సేపు ఉంటే.. మన శరీరం చాలా వేడిని నిలుపుకుంటుంది. ఇది వేడిని మాత్రమే కాకుండా నొప్పిని కూడా ఇస్తుంది. దీనిని హీట్ స్ట్రోక్ లేదా సమ్మర్ చిల్ అంటారు.

వేడి ప్రదేశం నుండి చల్లని ప్రదేశంలోకి ప్రవేశించినప్పుడు జలుబు రావడం సహజం అయితే అదే టైమ్ లో ఆ వేడి నుంచి తప్పించుకోవడం కోసం కూల్ డ్రింక్స్ తాగడం చాలా మందికి అలవాటుగా ఉంటుంది. కాని దీని వల్ల గొంతు ఇన్ఫెక్షన్ వంటి సమస్యలు వస్తాయి.
వేసవిలో సాధారణ జలుబును నయం చేయడానికి ఇంటి నివారణలు ఉత్తమ మార్గం. రోగనిరోధక శక్తి కోసం ఆరోగ్యకరమైన ఆహారాన్ని తినండి. ఇవి జీవక్రియపై ఆరోగ్యకరమైన ప్రభావాలను చూపుతాయి. అలాగే, ఆరోగ్యకరమైన ఆహారాలలో పోషకాలు మరియు విటమిన్లు పుష్కలంగా ఉంటాయి, ఇది వేసవి జలుబు నుండి మిమ్మల్ని కాపాడుతుంది.
అదేవిధంగా, ఈ సీజన్‌లో మనం ఎంత ఎక్కువ నీరు తాగితే, అది మనల్ని ఆరోగ్యంగా ఉంచుతుంది. శరీరం నుండి అవాంఛిత టాక్సిన్స్‌ను బయటకు పంపడానికి నీరు కూడా సహాయపడుతుంది.

అంతే కాదు.. కొన్ని అలవాట్లు మీమ్మల్ని వేసవిలో ఆరోగ్యంగా ఉంచుతాయి..
మీరు పబ్లిక్ టాయిలెట్లను ఉపయోగిస్తే మీ చేతులు కడుక్కోవడం గుర్తుంచుకోండి.
ఇప్పటికే జలుబు ఉన్నవారికి దూరంగా ఉండటం మంచిది.
ముఖ్యంగా పాలకూర, దోసకాయ వంటి కూరగాయలను మీ భోజనంలో చేర్చుకోండి.. అవి మీ శరీరానికి అవసరమైన చల్లదనాన్ని మరియు పోషకాలను అందిస్తాయి.