Peanuts Health Benefits : వేరుశెనగ పల్లీలు.. ఆరోగ్యానికి ఎంతో మేలు..!

పల్లీలు నిత్యం మనం వంటిట్లో వాడే ఆహార పదార్ధమే.. అయితే ఇవి ఆరోగ్యానికి చాలా మేలు చేస్తాయి. వేరుశెనగలో చాలా రకాల పోషకాలు ఉంటాయి. దీనిని తినడం వల్ల కలిగే ఆరోగ్యకర ప్రయోజనాలేంటో చూద్దాం

మనం ట్రైన్ లో జర్నీ చేసేటప్పుడు ఎక్కువగా పల్లీలు తింటూ ఉంటాం. సాధారణంగా ఉడకబెట్టినవి, వేయించినవి తింటాం. ఇవి ఆరోగ్యానికి చాలా మంచిది. వేరుశెనగలో ఫైబర్, ప్రోటీన్లు, యాంటీఆక్సిడెంట్, అమైనో యాసిడ్ పుష్కలంగా లభిస్తాయి. ఇది చాలా వ్యాధులను రాకుండా అడ్డుకుంటుంది. వేరుశెనగ తినడం వల్ల ఎన్నో బెనిఫిట్స్ ఉన్నాయి. అవేంటో తెలుసుకుందాం.

పల్లీలు తినడం వల్ల వీటిలోని యాంటీ యాక్సిడెంట్స్ క్యాన్సర్ వచ్చే ప్రమాదాన్ని తగ్గిస్తుంది. అంతేకాదు పల్లీల్లో పైబర్ ఎక్కువగా ఉంటుంది. అందులోనూ ఉడకబెట్టిన వేరుశెనగ తినడం వల్ల వేగంగా బరువు తగ్గవచ్చు .

అంతేకాదు జీవక్రియను మెరుగుపరచడంలో వేరుశెనగ అద్భుతంగా పనిచేస్తుంది. తగిన మోతాదులో వేరుశెనగ తీసుకోవడం వల్ల ఎముకలు గట్టిపడతాయి. వేరుశెనగలో విటమిన్ ఏ అధికంగా లభిస్తుంది. దీన్ని తినడం వల్ల మీ కంటిచూపు మెరుగుపడుతుంది. పల్లీల్లో ఐరన్ కూడా ఎక్కువగానే ఉంటుంది. దీనిని తీసుకోవడం వల్ల రక్తహీనత ప్రమాదం తగ్గుతుంది. వేరుశెనగలో మోనోఅన్‌శాచురేటెడ్ ఫ్యాటీ యాసిడ్స్ పుష్కలంగా ఉంటాయి. ఇది గుండెను ఆరోగ్యంగా ఉంచడంలో సహాయపడుతుంది. ఉడికించిన పల్లీల్లో కాల్షియం పుష్కలంగా ఉంటుంది. ఇది కీళ్లకు చాలా మంచిది.