Best Vastu Tips : గోడ గడియారాన్ని ఇంట్లో ఏ దిశలో ఉంచాలో తెలుసా ?.. ఈ పొరపాటు చేయకండి..

వాస్తు చిట్కాలు: సమయం.. జీవితంలో చాలా ముఖ్యం. క్షణం కాలానికి ఎంతో విలువ ఉంటుంది. గడిచిన సమయం తిరిగి రాదు.. జీవితంలో సంతోషాలు.. దుఃఖాలు వస్తుంటాయి పోతుంటాయి. కానీ హిందూమతంలో కష్టాలను ఎదుర్కొవడానికి... అలాగే వ్యతిరేక శక్తుల నుంచి బయటపడేందుకు కొన్ని వాస్తు చిట్కాలు ఉన్నాయి. ముఖ్యంగా వాస్తు ప్రకారం ఇంట్లో సరైన దిశలో ఉండాల్సిన వస్తువులు ఉండకపోతే మీరు ఏ పని మొదలుపెట్టిన విజయం సాధించలేరు. వాస్తు ప్రకారం, అన్ని అలంకరణ సామగ్రిని ఇంటి గదులలో ఉంచుతారు. అదే విధంగా గడియారం దిశకు సంబంధించి ప్రత్యేక శ్రద్ధ తీసుకోవాలి. సాధారణంగా ప్రజలు తమ సౌలభ్యం ప్రకారం గోడ గడియారాన్ని ఏ దిశలోనైనా వేలాడదీస్తారు. కానీ అలాంటి గడియారాన్ని ఏ దిశలోలైనా గోడపై వేలాడదీయడం వాస్తు ప్రకారం సరైనది కాదు. వాస్తు శాస్త్రంలో, గడియారాన్ని సరైన దిశలో వేలాడదీయడం గురించి చెప్పబడింది. ఆ వివరాలు తెలుసుకుందామా.

గోడ గడియారం సరైన దిశ...
వాస్తు శాస్త్రం ప్రకారం.. గదిలో గోడ గడియారం అమర్చేందుకు సరైన చోటు ఉత్తర అలాగే తూర్పు దిశ. ఈ దిశలలో గడియారం అమర్చడం చాలా మంచిది. హిందువుల విశ్వాసం ప్రకారం. సంపదకు దేవుడు అయిన కుబేరుడు ఉత్తర దిశలో పరిపాలిస్తాడని నమ్ముతారు. తూర్పున ఇంద్రుడు పరిపాలిస్తాడు. అందుకే ఈ దిశలలో గడియారం ఉంచడం చాలా మంచింది. అలాగే గడియారాన్ని పశ్చిమ దిశలో కూడా సెట్ చేయవచ్చు. ఈ దిశలలో గడియారాన్ని ఉంచడం వల్ల జీవితంలో శ్రేయస్సు, అభివృద్ధి లభిస్తుంది. కుటుంబం వృద్ధి చెందుతుంది, ఇంట్లో సంతోషకరమైన వాతావరణం ఉంటుంది.

గడియారాన్ని అమర్చేటప్పుడు ఈ పొరపాట్లు చేయకండి.
గడియారాన్ని ఎప్పుడూ గదిలోని దక్షిణపు గోడకు వేలాడదీయకూడదు. ఇది శుభప్రదం కాదు. ఈ దిశలో పెట్టడం వలన ఆర్థిక కష్టాలు ఎదుర్కొవాల్సి వస్తుంది. ఇది కాకుండా వాస్తు శాస్త్రం ప్రకారం ప్రతి గదిలో గడియారాన్ని వేలాడదీయకూడదు అలాగే మంచం దగ్గర ఉంచకూడదు. ఇంటి మెయిన్ డోర్, బాల్కనీ, వరండాలో గడియారాన్ని వేలాడదీయకూడదు. ఇది ప్రతికూల శక్తి కమ్యూనికేషన్‌ను పెంచుతుంది.

ఎల్లప్పుడూ ఆన్‌లో ఉండాలి..
గడియారాన్ని గోడకు అమర్చిన తర్వాత, అది ఎల్లప్పుడూ ఆన్‌లో ఉండేలా చూసుకోవాలి. ఆఫ్‌లో ఉంటే వెంటనే ఆన్ చేయండి. పనిచేయని గడియారాన్ని అమర్చడం అశుభం. అలాగే, గడియారాన్ని ఎల్లప్పుడూ శుభ్రంగా, మంచి స్థితిలో ఉంచాలి. పొరపాటున కూడా పగిలిన గోడ గడియారాన్ని ఉంచకూడదు. అలాగే గడియారం సమయం సరిగ్గా ఉండాలి. సరైన సమయాన్ని చూపకపోతే వెంటనే దాన్ని సరిదిద్దాలి. ఇంట్లో గడియారాన్ని ఉంచేటప్పుడు మీరు ఈ విషయాలపై కూడా ప్రత్యేక శ్రద్ధ వహించాలి.