Tragic Incident : పెళ్లి ఇష్టం లేక యువతి ఆత్మహత్య..!

ఓ యువతి తనకు ఇష్టం లేని పెళ్లి చేస్తున్నారని తీవ్ర నిర్ణయం తీసుకుంది. ఉరేసుకుని యువతి ఆత్మహత్య చేసుకున్న సంఘటన పట్టణంలో చోటు చేసుకుంది. ఎస్సై సంతోష్‌ తెలిపిన వివరాల ప్రకారం శ్రీరాంపూర్‌ పోలీస్‌ స్టేషన్‌ పరిధిలోని ఆర్కే 6 హట్స్‌ ప్రాంతానికి చెందిన మేరుగు సౌమ్య (22) గతంలో ఓ ప్రైవేటు ఉద్యోగం చేసి ప్రస్తుతం ఇంట్లోనే ఉంటోంది. అయితే యువతి తండ్రి కొంత కాలం క్రితం మరణించారు. దీంతో తల్లితో కలిసి సౌమ్య నివసిస్తోంది. సోమవారం సాయంత్రం కీర్తన సంతకు వెళ్లిన సమయంలో సూసైడ్‌ నోట్‌ రాసి ఇంటి పైకప్పుకు ఉరేసుకుంది. తనకు పెళ్లంటే ఇష్టం లేదని, జీవితంలో ఇంకో స్టెప్‌ తీసుకోలేనని అందుకే ఆత్మహత్య చేసుకుంటున్నానని, సారీ మమ్మీ.. సారీ డాడి అని లేఖలో రాసి ఆత్మహత్య చేసుకుంది. మృతురాలి తల్లి కీర్తన ఇచ్చిన ఫిర్యాదు మేరకు కేసు నమోదు చేసుకొని దర్యాప్తు జరుపుతున్నట్లు పోలీసులు వెల్లడించారు.