Crime News : యువతి పేరుతో ట్రాప్‌.. యువకుడి మర్డర్..!

ఇద్దరి యువకుల మధ్య జరిగిన చిన్న గొడవ హత్యవరకు దారి తీసింది. యువతి పేరుతో ట్రాప్‌ చేసి యువకుడిని పిలిచి హత్య చేసి పగ తీర్చుకున్నాడు మరో యువకుడు. ఈ కేసులో ఐదుగురు నిందితులను అత్తాపూర్‌ పోలీసులు(Attapur Police) అరెస్ట్ చేసి రిమాండ్‌కు పంపించారు. రాజేంద్రనగర్‌ పోలీసులు వెల్లడించిన వివరాల ప్రకారం బాలాపూర్(Balapur) నివాసి ఫహీం(Tafheem) వృత్తిరీత్యా పెయింటర్‌. ఫిబ్రవరిలో జరిగిన జగ్నేకి రాత్‌కు ఫహీం వచ్చారు. ఈ కార్యక్రమంలో యాసిన్‌(Yaseen) అనే యువకుడితో ఫహీంకు ఘర్షణ జరిగింది. అక్కడే ఉన్నవారు సముదాయించినా ఓ యువకుడి కోపం మాత్రం తగ్గలేదు. ఫహీంను ఎలాగైనా చంపాలని యాసిన్‌ ప్లాన్‌ వేశాడు. ఇందుకు అతని స్నేహితులు మహ్మద్ అబ్దుల్, ఖయ్యూం, మహ్మద్‌ ఫహీం, ఖురేషి సహాయం తీసుకున్నాడు. ఫహీంను ట్రాప్‌ చేయాలని నిర్ణయించుకున్నారు.

ఓ యువతి పేరుతో ఇన్‌స్టాలో నకిలీ ఖాతా తెరిచి ఫహీంతో చాటింగ్‌ చేశారు. ఈ నేపథ్యంలోనే ఓ రోజు సులేమాన్‌నగర్‌లోని ఎం.ఎం.పహాడ్‌కు రావాలని ఫహీంను ఆహ్వానించారు. తనను యవతే పిలుస్తోందని భ్రమపడి నిందితులు చెప్పిన లొకేషన్‌కు ఫహీం చేరుకున్నాడు. ఫహీం చేరుకోగానే ఒక్కసారిగా అతనిపై దాడి చేసి హత్య చేశారు. ఈ హత్య కేసును విచారించిన పోలీసులు నిందితులను అరెస్ట్ చేసి రిమాండ్‌కు తరలించారు.