Accident : నెల్లూరు జిల్లాలో ఘోర రోడ్డు ప్రమాదం.. ముగ్గురు దుర్మ‌ర‌ణం
నెల్లూరు జిల్లాలో ఘోర రోడ్డు ప్రమాదం చోటుచేసుకుంది. ఈ ప్ర‌మాదంలో ముగ్గురు మృతి చెంద‌గా.. గాయ‌ప‌డిన మ‌రో ఇద్దరు పరిస్థితి విషమంగా ఉంది
Three killed in fatal road accident in Nellore district
నెల్లూరు జిల్లాలో ఘోర రోడ్డు ప్రమాదం చోటుచేసుకుంది. ఈ ప్ర‌మాదంలో ముగ్గురు మృతి చెంద‌గా.. గాయ‌ప‌డిన మ‌రో ఇద్దరు పరిస్థితి విషమంగా ఉంది. మృతులు ఏలూరు జిల్లా కొయ్యల గూడెం కి చెందినవారిగా పోలీసులు గుర్తించారు. మితిమీరిన వేగమే ప్రమాదానికి కారణంగా ప్రాథమిక నిర్ధారణకు వ‌చ్చారు పోలీసులు. ఆగి ఉన్న లారీని కారు ఢీకొట్టడంతో ఈ ప్రమాదం జ‌రిగింది. కావలి మసునూరు టోల్ ప్లాజా దగ్గర ఈ ప్రమాదం సంభ‌వించింది.
తెల్లవారుజామున 3:30 కి ఘటన చోటుచేసుకుంది. ప్ర‌మాద ఘ‌ట‌నపై సమాచారం అందుకున్న పోలీసులు వెంట‌నే అక్క‌డ‌కు చేరుకుని క్షతగాత్రులను సమీప ఆసుపత్రికి తరలించారు. ప్ర‌మాంద‌లో కారు పూర్తిగా నుజ్జునుజ్జయ్యింది. మృతులు ఏలూరు జిల్లా కొయ్యలగూడెంకు చెందిన జ్యోతి కల్యాణి, రాజీ, కుమార్ గా గుర్తించారు. చెన్నైలో ఇమిటేషన్ గోల్డ్ కొనుగోలు చేసి తిరిగి కొయ్యలగూడెంకు వస్తోండగా ప్రమాదం జ‌రిగింది. ప్రమాదంపై పోలీసులు కేసు నమోదు చేసి దర్యాప్తు చేస్తున్నారు.
