Gujarat Horror : ఆరేళ్ల బాలికను హత్య చేసిన ప్రిన్సిపాల్.. భ‌య‌పెడుతున్న మ‌రికొన్ని ఘ‌ట‌న‌లు

పాఠశాలల్లో బాలికలపై లైంగిక వేధింపుల కేసులు ఆగేలా లేవు. పాఠశాలల్లో కేంద్రం మార్గదర్శకాలను అమలు చేయాలని సుప్రీంకోర్టు అన్ని రాష్ట్రాలకు ఆదేశాలు జారీ చేసింది. పెరుగుతున్న లైంగిక దోపిడీ కేసులు.. తల్లిదండ్రులను భయపెడుతున్నాయి. ఇటువంటి ప‌రిస్థితుల్లో నిన్న జ‌రిగిన ఘ‌ట‌న‌లు తీవ్ర క‌ల‌క‌లం రేపుతున్నాయి.

గుజరాత్‌లోని దాహోద్ జిల్లాలో లైంగిక వేధింపులకు నిరసనగా ఆరేళ్ల బాలికను స్కూల్ ప్రిన్సిపాల్ హత్య చేశాడు. ఉత్తరాఖండ్‌లోని డెహ్రాడూన్‌లో 10వ తరగతి విద్యార్థినిపై అత్యాచారయత్నానికి ప్రయత్నించిన ఉదంతం కూడా వెలుగు చూసింది. ఉత్తరాఖండ్‌లోనే ఉధమ్‌సింగ్ నగర్‌లోని ఓ పాఠశాలలో నాలుగేళ్ల బాలికపై సామూహిక అత్యాచారం జరిగింది. ఈ కేసులో నిందితులంతా మైనర్లే. మధ్యప్రదేశ్ రాజధాని భోపాల్‌లో ఓ పాఠశాల ఉపాధ్యాయుడు మూడేళ్ల బాలికపై దారుణానికి ఒడిగట్టాడు. హర్యానాలోని యమునానగర్ జిల్లాలో ఆరుగురు బాలికలను పాఠశాలకు వెళ్లి వేధించిన ఉదంతం వెలుగులోకి రావడంతో అధికార యంత్రాంగంలో కలకలం రేగింది.

1. గుజరాత్‌లోని దాహోద్ జిల్లాలో ఓ ప్రిన్సిపాల్‌ను పోలీసులు అరెస్ట్ చేశారు. ఆరేళ్ల బాలికపై ప్రిన్సిపాల్ లైంగిక దాడికి యత్నించాడు. అయితే బాలిక ప్రిన్సిపాల్‌ను ప్ర‌తిఘ‌టిస్తూ.. కేకలు వేయడం ప్రారంభించింది. దీంతో కోపోద్రిక్తుడైన ప్రిన్సిపాల్ బాలిక గొంతుకోసి చంపాడు. రోజంతా మృతదేహాన్ని తన కారులోనే ఉంచుకుని సాయంత్రం పాఠశాల ఆవరణలో పడేశాడు. బాలిక రోజూ ఇంటి నుంచి పాఠశాలకు ప్రిన్సిపాల్‌తో కలిసి వచ్చేది. మొబైల్ లొకేషన్ ద్వారా మర్డర్ మిస్టరీని పోలీసులు ఛేదించారు.

2. మధ్యప్రదేశ్ రాజధాని భోపాల్‌లోని కటారా హిల్స్‌లోని ఓ ప్రైవేట్ పాఠశాలలో 10వ తరగతి చదువుతున్న మైనర్ విద్యార్థినిపై ఉపాధ్యాయుడు అత్యాచారం చేశాడు. నిందితుడైన‌ ఉపాధ్యాయుడు బాలిక‌ను బెదిరించి దారుణానికి ఒడిగట్టాడు. అత‌డు కొన్ని అభ్యంతరకర వీడియోలను కూడా రికార్డ్ చేసినట్లు ఆరోపణలు వచ్చాయి.

3. ఉత్తరాఖండ్‌ ఉధమ్ సింగ్ నగర్‌లో 4 ఏళ్ల బాలికపై విద్యార్థులు సామూహిక అత్యాచారానికి పాల్పడ్డారు. అత్యాచారానికి పాల్ప‌డిన వారి వయస్సు 9-14 సంవత్సరాలు లోపు ఉంటుంది. ఇలా వ‌రుస ఘ‌ట‌న‌లు తీవ్ర క‌ల‌క‌లం రేపుతున్నాయి.

4. భోపాల్‌లోని కమ్లా నగర్ పోలీస్ స్టేషన్ పరిధిలోని ఓ ప్రైవేట్ స్కూల్‌లో వాష్‌రూమ్‌లో ఓ టీచర్ మూడేళ్ల అమాయక బాలికపై లైంగిక వేధింపులకు పాల్పడ్డాడు. నిందితుడైన ఉపాధ్యాయుడిని పోలీసులు అరెస్టు చేశారు. ప్రస్తుతం ఈ కేసును సిట్‌ దర్యాప్తు చేస్తోంది. యాజమాన్యం పాఠశాలకు సీలు వేసింది.

5. భోపాల్‌లోని ఐష్‌బాగ్ పోలీస్ స్టేషన్ పరిధిలో ఐదేళ్ల బాలికను వ్యాన్‌లో వేధించిన ఉదంతం వెలుగులోకి వచ్చింది. గుర్తు తెలియని వ్యక్తి ఈ ఘటనకు పాల్పడ్డాడు. ఇంటికి వచ్చిన తర్వాత బాలిక జరిగిన విషయాన్ని తల్లిదండ్రులకు చెప్పింది. ఈ ఘటన సెప్టెంబర్ 21వ తేదీన జరిగింది.

6. సెప్టెంబర్ 9న ఉత్తరాఖండ్‌లోని హల్ద్వానీలో ఐదేళ్ల బాలికపై అత్యాచారం చేసిన ఉదంతం వెలుగులోకి వచ్చింది. పాఠశాలలోనే ఈ ఘటన చోటుచేసుకుంది. స్కూల్ టీచర్ రాక్షసుడిగా మారి ఈ దారుణానికి ఒడిగ‌ట్టాడు.