Crime : కోల్‌కతా డాక్ట‌ర్ ఘటన మ‌రువ‌క ముందే.. నర్సుపై అత్యాచారం.. ఆపై దారుణ హత్య
కోల్‌కతాలో మహిళా వైద్యురాలిపై అత్యాచారం, హత్య ఘటన మ‌రువ‌క‌ముందే మ‌రో ఘటన వెలుగులోకి వ‌చ్చింది.
కోల్‌కతాలో మహిళా వైద్యురాలిపై అత్యాచారం, హత్య ఘటన మ‌రువ‌క‌ముందే మ‌రో ఘటన వెలుగులోకి వ‌చ్చింది. బుధవారం ఉత్తరాఖండ్‌లోని రుద్రాపూర్‌లో నర్సు హత్య కేసును పోలీసులు వెల్లడించారు. తాజాగా యూపీ సరిహద్దులో ఓ నర్సు మృత‌దేహం లభ్యమైంది. ఈ కేసులో రాజస్థాన్ జోధ్‌పూర్‌కు చెందిన నిందితుడిని పోలీసులు అరెస్టు చేశారు. సాహి బరేలీ గ్రామ తుర్సా పట్టి పోలీస్ స్టేషన్ ప‌రిధిలో నివ‌సించే కార్మికుడు ధర్మేంద్ర కుమార్ నర్సుపై అత్యాచారం చేసినట్లు ఎస్‌ఎస్‌పి మంజునాథ్ టిసి తెలిపారు. అత్యాచారం అనంతరం నిందితుడు మొబైల్‌తో పాటు మూడు వేల రూపాయలు దోచుకెళ్లాడు. నిందితుడు నర్సును గొంతుకోసి హత్య చేసి మృతదేహాన్ని పొదల్లో పడేశాడు.
మృతురాలు తన 11 ఏళ్ల కుమార్తెతో కలిసి బిలాస్‌పూర్ కాలనీలో నివసించింది. జూలై 30 నుంచి ఆమె కనిపించకుండా పోయింది. అతని సోదరి జూలై 31న రుద్రపూర్ కొత్వాలిలో మిస్సింగ్ ఫిర్యాదు చేసింది. అదృశ్యమైనట్లు కేసు నమోదు చేసుకున్న పోలీసులు.. సీసీటీవీ కెమెరాలను పరిశీలించగా.. జూలై 30వ తేదీ సాయంత్రం కాలనీ సమీపంలో చివరిసారిగా కనిపించినట్లు గుర్తించారు. ఇటీవల, మృతురాలి శ‌వం ఆమె నివ‌సిస్తున్న కాలనీకి వెళ్లే రహదారికి సమీపంలో ఉన్న ఖాళీ ప్లాట్‌లోని పొదల్లో బయటపడింది. దుస్తులను బట్టి కుటుంబ సభ్యులు ఆమెను గుర్తించారు.
విచారణలో నిందితుడు తాను కూలీగా పనిచేస్తున్నట్లు తెలిపాడు. ఘటన జరిగిన రోజు నర్సును వెంబడించి నిర్జన ప్రదేశంలో పట్టుకుని పొదల్లోకి తీసుకెళ్లాడు. ఈ క్రమంలో ఇద్దరి మధ్య వాగ్వాదం జరగడంతో నిందితుడు ఆమెను కండువాతో గొంతు నులిమి చంపి.. తల పగలగొట్టాడు. ఆ తర్వాత అపస్మారక స్థితిలో ఉన్న ఆమెపై అత్యాచారం చేశాడు. ఆ తర్వాత రాళ్లతో కొట్టి ముఖంను పూర్తిగా ఛిద్రం చేశాడు. సాక్ష్యాలను దాచిపెట్టేందుకు మృతదేహాన్ని పొదల్లో దాచి.. ఆమె పర్సులో ఉన్న డబ్బు, బ్రాస్లెట్, మొబైల్ ఫోన్ తీసుకుని పారిపోయాడు. గతంలో నిందితుడు ఆయుధాల చట్టం కింద జైలుకు వెళ్లిన‌ట్లు పోలీసులు తెలిపారు.
