Nava Sandeep : ప్రేమ పేరుతో మోసం.. జబర్దస్త్ కమెడియన్ అరెస్టు

జబర్దస్త్ కమెడియన్(Jabardasth Comedian) నవసందీప్‌(Nava Sandeep)ను పోలీసులు అరెస్టు చేశారు. ఓ యువతి ఇచ్చిన ఫిర్యాదు మేరకు నవసందీప్‌ను పోలీసులు(Police) అరెస్టు చేశారు. ఫిర్యాదురాలైన‌ యువతితో నవసందీప్‌కు గ‌తంలో పరిచయం ఉంది. హైదరాబాద్(Hyderabad) షేక్ పెట్(Shakepet) లోని ఓ హాస్టల్లో ఉంటున్న యువ‌తికి న‌వ‌సందీప్ ప్రేమ పేరుతో ద‌గ్గ‌ర‌య్యాడు. పెళ్లి చేసుకుంటానని చెప్పి పలుమార్లు ఆమెతో శారీరక సంబంధం పెట్టుకున్నాడు. పలుమార్లు యువతి వివాహం విషయం అడగడంతో నవ సందీప్ మొహం చాటేసాడు. దీంతో తాను మోసపోయానని గ్రహించిన ఆ యువతి పోలీసులను ఆశ్రయించింది. బాధితురాలి ఫిర్యాదు మేర‌కు.. జీరో ఎఫ్ఐఆర్(Zero FIR) న‌మోదుచేసిన గోల్కొండ పోలీసులు(Golkonda Police).. ఆ కేసును మధురానగర్ స్టేష‌న్‌(Madhura Nagar Station)కు బ‌దిలీచేశారు. కేసు ద‌ర్యాప్తు చేప‌ట్టిన పోలీసులు.. నవ సందీప్‌ను అరెస్ట్ చేసి రిమాండ్‌(Remand)కు త‌ర‌లించారు.