Murder In Rajendranagar : రాజేంద్రనగర్‌లో వ్య‌క్తిని హ‌త్య చేసిన మ‌హిళ‌.. ఇంట్లోకి చొరబడి..

రంగారెడ్డి(Ranga reddy) జిల్లా రాజేంద్రనగర్‌లోని(Rajendranagar ) బుద్వేల్‌లో(Budhwel) శుక్రవారం తెల్లవారుజామున ఇంట్లోకి చొరబడి అత్యాచారయత్నానికి(Rape) ప్రయత్నించిన వ్యక్తిని ఓ మహిళ హత్య చేసింది. తెల్లవారుజామున 4 గంటల సమయంలో శ్రీనివాస్(srinivas) అనే వ్యక్తి జయమ్మ(Jayamma) ఇంటి తలుపు తట్టాడు. జయమ్మ తలుపు తీయగానే మద్యం మత్తులో ఉన్న శ్రీనివాస్ ఇంట్లోకి ప్రవేశించి ఆమెపై బలవంతం చేయ‌బోయాడు. జయమ్మ అతని ప్రయత్నాలను అడ్డుకుని ఇంటి నుంచి బయటకు పరుగులు తీసింది. జయమ్మను వెంబ‌డిస్తుండ‌టంతో.. ఇనుప రాడ్డు తీసుకుని శ్రీనివాసు తలపై మోదింది. దీంతో శ్రీనివాసు తీవ్ర రక్తస్రావమై అక్కడికక్కడే మృతి చెందాడు. జయమ్మ, ఆమె భర్త రాజేంద్రనగర్ పోలీసుల ఎదుట లొంగిపోయారు. మృతదేహాన్ని శవపరీక్ష నిమిత్తం ఉస్మానియా జనరల్‌ ఆస్పత్రికి(Osmania General Hospital) తరలించారు. రాజేంద్రనగర్ పోలీసులు కేసు దర్యాప్తు చేస్తున్నారు.