Mexico Police Convoy Incident : పోలీసు కాన్వాయ్‌పై దుండగుల కాల్పులు..16 మంది మృతి

మెక్సికోలో(Mexico) దారుణం చోటు చేసుకుంది. పోలీసుల కాన్వాయ్‌పై(Police Convoy) గుర్తు తెలియని వ్యక్తులు తుపాకులతో కాల్పులు(Shoot Out) జరిపారు. ఈ సంఘటనలో 12 మంది పోలీసులతో పాటు 16 మంది ప్రాణాలు కోల్పోయారు. గురెరోలోని(Guerrero) కోయుక డీ బెనిటేజ్(Coyuca de Benitez) న‌గ‌రంలో సోమ‌వారం ఈ ఘోరం జరిగింది. దాడి జరిగిన సమయంలో జాతీయ భద్రతా విభాగానికి చెందిన సీనియర్‌ అధికారి ప్రయాణిస్తున్నారు. ఆయనను టార్గెట్‌గా చేసుకుని దుండగులు కాల్పులకు తెగబడ్డారు. ఈ కాల్పుల్లో స‌ద‌రు అధికారితోపాటు, మొత్తం 16 మంది మ‌ర‌ణించిన‌ట్లు అధికారులు చెప్పారు. కేసు న‌మోదు చేసుకున్న పోలీసులు ద‌ర్యాప్తు చేప‌ట్టారు. కాల్పుల‌కు గ‌ల కార‌ణాల‌పై విచారిస్తున్నారు. దాడి చేసిన వారిని డ్ర‌గ్ స‌రాఫ‌రా చేసే ముఠాగా అనుమానిస్తున్న‌ట్లు తెలిపారు.