అనంత్ అంబానీ-రాధిక మర్చంట్‌ల వివాహానికి హైదరాబాద్ నుండి హాజరైంది వీరే..!
శుక్ర‌వారం అనంత్ అంబానీ-రాధిక మర్చంట్‌లు ముంబైలోని జియో వరల్డ్ సెంటర్‌లో వివాహం చేసుకున్నారు
శుక్ర‌వారం అనంత్ అంబానీ-రాధిక మర్చంట్‌లు ముంబైలోని జియో వరల్డ్ సెంటర్‌లో వివాహం చేసుకున్నారు. ఈ వేడుకకు ప్రపంచవ్యాప్తంగా అనేక మంది ప్రముఖులు హాజరయ్యారు. అతిథి జాబితాలో కిమ్, ఖోలే కర్దాషియాన్, అడెలె, లానా డెల్ రే, డ్రేక్, డేవిడ్ బెక్‌హామ్‌తో పాటు అతని భార్య విక్టోరియా బెక్‌హాం వంటి అంతర్జాతీయంగా ప్రసిద్ధి చెందిన వ్యక్తులు ఉన్నారు. పలువురు మాజీ దేశాధినేతలు హాజరయ్యారు. ఈ వివాహానికి బాలీవుడ్ నుంచి చాలా మంది నటులు, నటీమణులు హాజ‌ర‌వ‌గా.. ఈ వేడుకల్లో పాల్గొనేందుకు తెలుగు సినీ పరిశ్రమకు చెందిన ప్రముఖులు కూడా వెళ్లారు.
ఈ వివాహానికి బ‌య‌లుదేరిన రామ్ చరణ్-ఉపాసన బేగంపేట విమానాశ్రయానికి కొత్త రోల్స్ రాయిస్ స్పెక్టర్‌లో వచ్చారు. వివాహ‌వేడుక‌కై ముంబైకి బ‌య‌లుదేరిన మహేష్ బాబు, నమ్రతా శిరోద్కర్ దంప‌తులు.. వారి కుమార్తె సితారతో కలిసి విమానాశ్రయంలో కనిపించారు.
అనంత్ అంబానీ-రాధిక మర్చంట్‌ల వివాహ వేడుకకు హాజ‌రైన అతిథులలో చిరంజీవి, అల్లు అర్జున్, జూనియర్ ఎన్టీఆర్, ప్రభాస్, అక్కినేని నాగార్జున, నాగ చైతన్యలు ఉన్నారు. ఈ వేడుకలో ప్రఖ్యాత నటీమణులు రష్మిక మందన్న, సమంత, నయనతార కూడా కనిపించనున్నారు. పలువురు ప్రముఖ టాలీవుడ్ నిర్మాతలు, దర్శకులు ఈ కార్యక్రమంలో భాగం కానున్నారు. భారత టెన్నిస్ సంచలనం సానియా మీర్జా, ఆమె సోదరి అనమ్ మీర్జా కూడా హాజరవ‌నున్నారు.
అనంత్ అంబానీ-రాధిక మర్చంట్ తమ వివాహ వేడుకలను మార్చిలో జామ్‌నగర్‌లో విలాసవంతమైన కార్యక్రమంతో ప్రారంభించారు. మూడు రోజుల పాటు ఈ జంట 1200 మంది అతిథులకు ఆతిథ్యం ఇచ్చారు. ఆ వేడుకకు ఇంట‌ర్నేష‌న‌ల్‌ స్టార్ రిహన్నా, ప్రముఖ కళాకారులు దిల్జిత్ దోసాంజ్, అరిజిత్ సింగ్ ప్రదర్శనలు ఇచ్చారు. ఇటీవల అనంత్-రాధిక తమ హల్దీ, మెహందీ వేడుకలను జరుపుకున్నారు. ఈ ఈవెంట్‌కు సంబంధించిన ఫోటోలు-వీడియోలు ఇంటర్నెట్‌లో విస్తృతంగా వైర‌ల్ అయ్యాయి.
