Immigrant To Billionaire: 8 వేల జీతంతో పనిచేసిన వ్యక్తి 17 వేల కోట్లకు పడగెత్తాడు..!

1947 విభజన సమయంలో భారతదేశానికి వలస వచ్చిన పంజాబీ తల్లిదండ్రులకు రాజ్ సర్దానా 1960లో జన్మించారు. సర్దానా న్యూఢిల్లీలోని ప్రభుత్వ గృహంలో పెరిగారు. కుటుంబంలో సరైన వసతులు కూడా లేవు కానీ సర్దానా తల్లిదండ్రులు విద్యకు ప్రాధాన్యత ఇచ్చారు. కృషి, పని విలువల గురించి తమ పిల్లలకు నూరిపోశారు. అలా చదువుకున్న సర్దానా కేవలం 100 డాలర్ల 1981లో అమెరికాలో విద్యాభ్యాసం కోసం వెళ్లాడు.

అక్కడే క్యాంటిన్‌లో పార్ట్‌టైం జాబ్‌ చేశాడు. గ్రాడ్యుయేషన్ తర్వాత, అతను H-1 వీసాను పొందాడు (నేటి H-1B వీసాకు పూర్వం) హౌమెట్ ఏరోస్పేస్‌లో తన వృత్తిని ప్రారంభించాడు. 1987 నాటికి టెలిడైన్‌లో ఉన్నతస్థానానికి ఎదిగారు. 1990లో ప్రచ్ఛన్న యుద్ధం జరిగినప్పుడు..అతని కెరీర్ ఎదురుదెబ్బ తగిలింది. ఆ సమయంలోనే సర్దానా ఇప్పుడే ఇల్లు కొనుక్కుని, ఆరునెలల కూతురిని పెంచుకుంటూ, తన తల్లితండ్రులు ఉన్నారు. ఈ సమయంలో వ్యాపారాన్ని ప్రారంభించాలని చూశారు. ఇన్నోవా సొల్యూషన్స్‌ను స్థాపించారు. కేవలం తన దగ్గరున్న రూ.25 వేలతో సొంతంగా వ్యాపారాన్ని ప్రారంభించాడు. ప్రపంచ ఐటీ సేవల సంస్థగా ఎదిగింది. ఈరోజు ఇన్నోవా సొల్యూషన్స్‌ ప్రపంచవ్యాప్తంగా 50 వేల మంది ఉద్యోగులను కలిగి ఉంది. ఇన్నోవా సొల్యూషన్స్ విలువ ఇప్పుడు రూ.17 వేలకోట్లు.