Rasi phalalu : ఈ రాశివారికి ఇది శుభసమయం

తేదీ:- 29, అక్టోబర్ 2024

సంవత్సరం:- శ్రీ క్రోధి నామ

అయనం:- దక్షిణాయణం

ఋతువు:- శరదృతువు

మాసం:- ఆశ్వయుజ పక్షం:- బహళ పక్షం

తిథి:- ద్వాదశి ఉ.10.16వరకు

వారం:- మంగళవారం (భౌమ్యవాసరే)

నక్షత్రం:- ఉత్తర రా.7.08వరకు

యోగం:- ఐంద్రం ఉ.9.50 వరకు

కరణం:- తైతుల ఉ.10.32 వరకు తదుపరి గరజి రా.11.33 వరకు

వర్జ్యం:- తె.4.44 నుండి

దుర్ముహూర్తము:- ఉ.8.18 - 9.03 మరల రా.10.28 - 11.18 వరకు

అమృతకాలం:- ఉ.11.30 - 1.16 వరకు

రాహుకాలం:- మ.3.00 - 4.30 వరకు

యమగండ/కేతుకాలం:- ఉ.9.00 - 10.30

సూర్యరాశి:- తుల చంద్రరాశి:- కన్య

సూర్యోదయం:- 6.01 సూర్యాస్తమయం:- 5.27

పాఠకులందరికీ ధనతేరస్-ధనత్రయోదశి మరియు శ్రీ ధన్వంతరి జయంతి శుభాకాంక్షలు

మేషం

ఈ రాశివారికి శుభఫలితాలున్నాయి. సమయానుకూలంగా ముందుకు సాగితే అనుకున్నది సిద్ధిస్తుంది. ప్రయత్నానికి తగ్గ ఫలితం వెంటనే నెరవేరుతుంది. ప్రశాంతత నెలకొంటుంది. ఈశ్వర సందర్శనం శుభప్రదం.

వృషభం

ఈ రాశివారు చేపట్టిన పనులు కొద్దిగా ఆలస్యమవుతాయి. శ్రమ అధికమౌతుంది. కీలక విషయాల్లో సమయస్ఫూర్తిగా ఆలోచించాలి. ఆరోగ్యాన్ని కాపాడుకుంటూ ముందుకుసాగాలి. శివ నామాన్ని జపించాలి.

మిథునం

ఈ రాశివారు తమదైన ప్రతిభతో తోటివారిని ఆకట్టుకుంటారు. విందు, వినోద కార్యక్రమాలలో పాల్గొంటారు. కీలక నిర్ణయాలు తీసుకునేటప్పుడు సమయానుకూలంగా వ్యవహరిస్తారు. భవిష్యత్ ప్రణాళికలు వేస్తారు. గురు ధ్యానం శుభప్రదం.

కర్కాటకం

ఈ రాశివారు చేపట్టే పనిలో ఆటంకాలు ఎదురైనప్పటికి పట్టుదలతో పూర్తిచేస్తారు. ఒక వ్యవహారంలో కీలక నిర్ణయం తీసుకుంటారు. కుటుంబ సభ్యుల సలహాలు బాగా పనిచేస్తాయి. సమయానికి నిద్రాహారాలు తప్పనిసరి. దుర్గ ధ్యానం చేస్తే మంచిది.

సింహం

ఈ రాశివారికి ఇది శుభసమయం. మీ మీ రంగాల్లో ఆశించిన ఫలితాలను రాబడతారు. అదృష్టం వరిస్తుంది. విందు, వినోద కార్యక్రమాలలో పాల్గొంటారు. కుటుంబసభ్యులతో ఆనందకర క్షణాలను గడుపుతారు. ఇష్టదైవ ప్రార్థన శుభప్రదం.

కన్య

ఈ రాశివారికి తోటివారి సహకారంతో పనులు పూర్తవుతాయి. అవసరానికి తగిన సహాయం అందుతుంది. అభివృద్ధికి సంబంధించిన శుభవార్తలు వింటారు. మొదలుపెట్టిన పనులలో కొన్ని ఇబ్బందులు ఎదురైనా వాటిని అదిగమించే ప్రయత్నం చేస్తారు. ఇష్టదైవాన్ని ధ్యానించాలి.

తుల

ఈ రాశివారు అధికారులతో ఆచి తూచి వ్యవహరించాలి. కీలకమైన విషయాల్లో జాగ్రత్త అవసరం. అనవసర ఖర్చులు జరిగే అవకాశాలు ఉన్నాయి. వైరాగ్యాన్ని దరిచేరనీయకండి. దుర్గా దేవి నామాన్ని జపించడం ఉత్తమం.

వృశ్చికం

ఈ రాశివారు సమయానుకూలంగా ముందుకు సాగితే ఇబ్బందులు దరిచేరవు. అకారణ కలహ సూచన. కోపాన్ని తగ్గించుకుంటే మంచిది. తరచూ నిర్ణయాలు మారుస్తూ ఇబ్బందులు పడతారు. కుటుంబంలో చిన్నపాటి సమస్యలు వస్తాయి. దుర్గా ధ్యానం శుభప్రదం.

ధనుస్సు

ఈ రాశివారు మొదలుపెట్టిన పనులలో ఆటంకాలను అధికమిస్తారు. మీ ప్రతిభకు ప్రశంసలు లభిస్తాయి. కుటుంబ సభ్యులతో ఒక శుభవార్తను పంచుకుంటారు. శుభ కార్యక్రమాలలో పాల్గొంటారు. శ్రీవారి సందర్శనం శుభప్రదం.

మకరం

ఈ రాశివారు చేపట్టిన పనులలో ఆటంకాలు ఎదురైనా అధికమిస్తారు. ఒక వ్యవహారంలో మీకు డబ్బు చేతికి అందుతుంది. ఒక శుభవార్త మీ ఆత్మవిశ్వాసాన్ని పెంచుతుంది. శివుడిని ఆరాధిస్తే మంచిది.

కుంభం

ఈ రాశివారు వృత్తి, ఉద్యోగ, వ్యాపారాలలో సందర్భానుసారంగా ముందుకు సాగితే శుభఫలితాలు అందుకుంటారు. మీ పట్టుదలే మిమ్మల్ని ముందుకు నడిపిస్తుంది. ఆర్థికంగా మిశ్రమ కాలం. ఆరోగ్య పరిరక్షణ అవసరం. మనోబలం పెరగటానికి లక్ష్మీధ్యానం శుభప్రదం.

మీనం

ఈ రాశివారు అభివృద్ధికి సంబంధించిన శుభవార్త వింటారు. కొన్ని కీలక వ్యవహారాలలో కుటుంబ సభ్యుల సహకారం లభిస్తుంది. ఒక శుభవార్త ఆనందాన్నిస్తుంది. బంధుమిత్రులతో సంతోషంగా గడుపుతారు. శని జపం చేసుకోవాలి.