Today Rasi Phalalu : దినఫలాలు : ఈ రాశివారికి కర్మసిద్ధి ఉంది!

తేది 04 సెప్టెంబరు -2024

సంవత్సరం : శ్రీ క్రోధి నామ సంవత్సరం

ఆయనం : దక్షిణాయనం

మాసం : భాద్రపద మాసం

ఋతువు : వర్ష ఋతువు

వారము : బుధవారం

పక్షం : శుక్ల పక్షము

తిథి : పాడ్యమి

(ఈరోజు ఉదయం 7గం 34 ని వరకు

⭐నక్షత్రం : ఉత్తర

ఈరోజు రాత్రి తెల్లవారుజామున 4 గం 57 ని వరకు

వర్జ్యం :- ఉదయం 10గం 23 ని నుండి 12 గం 09 ని వరకు

అమ్రుతఘడియలు:- ఈరోజు రాత్రి 9 గం 16 ని నుండి 11 గం 02 ని వరకు

దుర్ముహూర్తం : (ఈరోజు ఉదయం 11 గం॥ 36 ని॥ నుంచి 12 గం॥ 24 ని॥ వరకు)

రాహుకాలం : (ఈరోజు పగలు 12 గం॥ 00 ని॥ నుంచి 1 గం॥ 30 ని॥ వరకు)

☀️సూర్యోదయం : ఉదయం 5 గం॥ 49 ని॥ లకు.

🌤️సూర్యాస్తమయం : సాయంత్రం 6గం॥ 10 ని॥ లకు.

మేషం(Mesham)

ఈ రాశివారికి కర్మసిద్ధి ఉంది. ధైర్యంగా ముందడుగు వేసి అనుకున్న పనిని పూర్తి చేయగలుగుతారు. సమయానికి నిద్రాహారాలు తప్పనిసరి. శ్రీవేంకటేశ్వర స్వామి సందర్శనం శుభప్రదం.

వృషభం(Vrushabham)

ఈ రాశివారు వృత్తి, ఉద్యోగ, వ్యాపారాలలో మీ అభివృద్ధికి సంబంధించిన శుభవార్తలు వింటారు. వ్యాపారంలో లాభాలు ఉన్నాయి. సమయపాలనతో పనులను పూర్తిచేస్తారు. శ్రీ వేంకటేశ్వరస్వామి ఆలయ సందర్శన శ్రేయస్కరం.

మిథునం(Mithunam)

ఈ రాశివారు కీలక విషయాల్లో ఆచితూచి వ్యవహరించాలి. మీ కీర్తి ప్రతిష్టలు పెరుగుతాయి. బంధు,మిత్రులతో కలిసి కొన్ని ముఖ్యమైన నిర్ణయాలు తీసుకుని భవిష్యత్తు ప్రణాళికలు వేస్తారు. అమ్మవారిని ఆరాధించండి.

కర్కాటకం(Karkatakam)

ఈ రాశివారికి ఆర్ధికంగా పురోగతి ఉంటుంది. ప్రారంభించిన పనిలో తోటివారి సహకారం లభిస్తుంది. ఒక శుభవార్త ఆనందాన్ని కలిగిస్తుంది.దగ్గరివారిని దూరం చేసుకోకండి. రామాలయ సందర్శన మంచిది.

సింహం(Simham)

ఈ రాశివారికి ఈ రోజు శుభకాలం. మీ మీ రంగాల్లో చక్కటి శుభఫలితాలను అందుకుంటారు. ఒక ముఖ్య విషయమై అధికారులను కలుస్తారు. ఫలితం సానుకూలంగా వస్తుంది. నరసింహస్వామిని కొలవండి.

కన్య(Kanya)

ఈ రాశివారు కొంచెం జాగ్రత్తగా ఉండటం అవసరం. కీలక వ్యవహారంలో పెద్దల సలహాలు తీసుకోండి. మీరు ఆశించినట్టుగానే వారి సూచనలు ఉంటాయి. కుటుంబ సభ్యుల మాటలకు గౌరవం ఇవ్వండి. ఆలయ సందర్శన మంచిది.

తుల(Thula)

ఈ రాశివారికి కొంతకాలంగా ఇబ్బంది పెడుతున్న ఓ సమస్యకు పరిష్కారం దొరుకుతుంది. చక్కటి ఆలోచనలతో ముందుకు సాగండి. కుటుంబంలో చిన్నపాటి సమస్యలు వస్తాయి. వాటిని మీ తెలివితో పరిష్కరించుకుంటారు. వినాయకుడిని పూజించండి.

వృశ్చికం(Vruchikam)

ఈ రాశివారికి ఈ రోజు బాగానే ఉంది. ప్రారంభించిన పనులను విజయవంతంగా పూర్తిచేయగలుగుతారు. ఆర్థికాభివృద్ధికోసం చేసే ప్రయత్నాలు లాభాన్ని చేకూరుస్తాయి. శారీరక శ్రమ ఎక్కువగా ఉంటుంది. అనవసరంగా వాదులాటకు దిగకండి. హనుమాన్‌ చాలీసా పఠించండి.

ధనుస్సు(Dhanusu)

ఈ రాశివారికి అనుకూలమైన రోజు ఇది. అయితే ప్రారంభించిన పనులను పూర్తిచేయడానికి చిత్తశుద్ధి చాలా అవసరం. అనవసర విషయాలతో కాలాన్ని వృధా చేయకండి. మంచి పనుల మీద మనసు పెట్టండి. లక్ష్మీదేవిని ఆరాధించండి.

మకరం(Makaram)

ఈ రాశివారు ప్రారంభించబోయే పనుల్లో మంచి ఫలితాలు రాబడతారు. మీ మీ రంగాల్లో అనుకూల వాతావరణం ఉంటుంది. ఇష్టమైన వారితో కాలాన్ని గడుపుతారు. ఓ శుభవార్తను వింటారు. శివారాధన శ్రేయస్కరం.

కుంభం(Kumbham)

ఈ రాశివారికి కూడా మిశ్రమ వాతావరణం గోచరిస్తుంది. తెలివితేటలను ప్రదర్శిస్తే ఆటంకాలు దూరం అవుతాయి. ఎట్టి పరిస్థితుల్లోనూ మనోధైర్యాన్ని కోల్పోరాదు. అనారోగ్య సమస్యలను నిర్లక్ష్యం చేయకండి. శత్రువులతో అప్రమత్తంగా ఉండండి. అనవసరంగా ఆందోళనపడతారు. దుర్గాదేవిని పూజించండి. అంతా మంచే జరుగుతుంది.

మీనం(Meenam)

ఈ రాశివారికి ఇవాళ మిశ్రమ ఫలితాలు ఉన్నాయి. అధికారులతో అప్రమత్తంగా ఉండాలి. భవిష్యత్తు కోసం ప్రణాళికలు వేసుకోండి. మనసు చెడు పనుల మీదకు మళ్లకుండా చూసుకోండి. అనవసర ఖర్చు ఉంటుంది. శ్రీ వేంకటేశ్వరస్వామి ఆలయాన్ని సందర్శించండి.