Today Horoscope In Telugu: ఈ రాశి వారికి ఎదురు ఉండదు!

తేదీ:- 13, డిసెంబరు 2024

సంవత్సరం:- శ్రీ క్రోధి నామ

అయనం:- దక్షిణాయనం

ఋతువు:- హేమంత

మాసం:- మార్గశిర

పక్షం:- శుక్ల పక్షం

తిథి:- త్రయోదశి .సా6.17 వరకు

వారం:- శుక్రవారం (భృగువాసరే)

నక్షత్రం:- భరణి ఉ.6.49 వరకు తదుపరి కృత్తిక తె.5.28 వరకు

యోగం:- శివం ఉ.11.40 వరకు

కరణం:- కౌలువ ఉ.7.22 వరకు తదుపరి తైతుల సా.6.17 వరకు ఆ తదుపరి గరజి తె.5.18 వరకు

వర్జ్యం:- సా.6.08 - 7.39 వరకు

దుర్ముహూర్తము:- ఉ.8.36 - 9.20 వరకు మరల మ.12.16 - 1.00 వరకు

అమృతకాలం:- తె.3.12 - 4.42 వరకు

రాహుకాలం:- ఉ.10.30 - 12.00 వరకు

యమగండ/కేతుకాలం:- మ.3.00 - 4.30 వరకు

సూర్యరాశి:- వృశ్చికం

చంద్రరాశి:- మేషం

సూర్యోదయం:- 6.25

సూర్యాస్తమయం:- 5.24

మేషం

ఈ రాశి వారి కుటుంబం అంతా సంతోషంగా కాలక్షేపం చేస్తారు. ఒక ముఖ్యమైన పని పూర్తికావడంతో మిక్కిలి ఆనందిస్తారు. కీర్తి, ప్రతిష్ఠలు పొందుతారు. శాశ్వత పనులకు శ్రీకారం చుడతారు. ప్రయత్నకార్యాల్లో దిగ్విజయం పొందుతారు. ఆకస్మిక ధనలాభం ఉంటుంది. దుర్గా దేవి స్తోత్రం పఠించండి.

వృషభం

ఈ రాశి వారికి విదేశయాన ప్రయత్నంసులభమవుతుంది. కుటుంబ కలహాలకు తావీయరాదు. ఆకస్మిక ధననష్టం ఏర్పడే అవకాశం ఉంది. పిల్లలతో జాగ్రత్తవహించడం మంచిది. వృత్తి, ఉద్యోగరంగంలోనివారికి ఆటంకాలు ఎదురవుతాయి. ఆరోగ్యం గురించి ప్రత్యేక శ్రద్ధ అవసరం. శివారాధన శ్రేయస్కరం.

మిథునం

ఈ రాశి వారికి వృత్తి, ఉద్యోగరంగాల్లో అభివృద్ధి ఉంటుంది. ఊహించని కార్యాల్లో పాల్గొనే అవకాశం ఉంటుంది. ఆత్మీయులను కలవడంలో విఫలమవుతారు. అనవసర వ్యయప్రయాసల వల్ల ఆందోళన చెందుతారు. వృథా ప్రయాణాలు ఎక్కువగా ఉంటాయి. స్త్రీల మూలకంగా ధనలాభం ఉంటుంది. శ్రీ వేంకటేశ్వర స్వామిని పూజించండి.

కర్కాటకం

ఈ రాశి వారు నూతన కార్యాలు వాయిదా వేసుకోవడం మంచిది. క్రీడాకారులు, రాజకీయరంగాల్లోని వారికి మానసిక ఆందోళన తప్పదు. ఆకస్మిక ధననష్టం కలిగే అవకాశం ఉంది. స్థిరాస్తుల విషయంలో మిక్కిలి జాగ్రత్త అవసరం. పక్కదోవ పట్టించేవారి మాటలు వినకూడదు. నవగ్రహ స్తోత్రం చదవండి.

సింహం

ఈ రాశి వారు ఇతరులకు హానితలపెట్టే కార్యాలకు దూరంగా ఉంటారు. మనోధైర్యాన్ని కోల్పోకుండా జాగ్రత్త వహించడం అవసరం. నూతన కార్యాలకు ఆటంకాలేర్పడతాయి. కోపాన్ని తగ్గించుకుంటే మంచిది. కఠిన సంభాషణవల్ల ఇబ్బందులను ఎదుర్కొంటారు. దైవారాధన మంచిది.

కన్య

ఈ రాశి వారికి ఆకస్మిక ధనలాభంతో రుణబాధలు తొలగిపోతాయి. సమాజంలో మంచిపేరు సంపాదిస్తారు. ఇతరులు మిమ్మల్ని ఆదర్శంగా తీసుకోవడానికి కృషిచేస్తారు. స్త్రీలు, బంధు, మిత్రులను కలుస్తారు. కుటుంబ పరిస్థితులు సంతృప్తికరంగా ఉంటాయి. అమ్మవారి ఆరాధన చేయండి.

తుల

ఈ రాశి వారికి ఆత్మీయుల సహకారం లభిస్తుంది. ఆకస్మిక ధననష్టం ఏర్పడే అవకాశం ఉంది. ఆర్థిక ఇబ్బందులను ఎదుర్కొంటారు. అనారోగ్య బాధవల్ల బలహీనులవుతారు. అధికార భయం ఉంటుంది. ప్రయాణాలు వాయిదా వేసుకోవాల్సి వస్తుంది. సుబ్రహ్మణ్య స్వామిని పూజించండి.

వృశ్చికం

ఈ రాశి వారు శుభకార్య ప్రయత్నాలు సులభంగా నెరవేర్చుకుంటారు. ముఖ్యమైన వ్యక్తులను కలుస్తారు. మిక్కిలి ధైర్య సాహసాలు కలిగి ఉంటారు. సూక్ష్మబుద్ధితో విజయాన్ని సాధిస్తారు. మీ పరాక్రమాన్ని ఇతరులు గుర్తిస్తారు. శతృబాధలు తొలగిపోతాయి. ఆకస్మిక లాభాలు ఉంటాయి. శివ పార్వతుల దర్శనం చేసుకోండి.

ధనుస్సు

ఈ రాశి వారు నూతన కార్యాలు వాయిదా వేసుకోక తప్పదు. అనుకోకుండా కుటుంబంలో కలహాలు ఏర్పడే అవకాశం ఉంటుంది. అశుభవార్తలు వినాల్సి వస్తుంది. మనస్తాపానికి గురవుతారు. ప్రయాణాల్లో అప్రమత్తత అవసరం. ఆకస్మిక ధననష్టం జరుగకుండా జాగ్రత్త పడటం మంచిది. కుల దైవాన్ని ప్రార్ధించండి.

మకరం

ఈ రాశి వారికి కుటుంబ కలహాలు దూరమవుతాయి. అందరితో స్నేహంగా ఉండటానికి ప్రయత్నించాలి. ప్రయత్నకార్యాలకు ఆటంకాలు ఎదురవుతాయి. వృథా ప్రయాణాల వల్ల అలసట చెందుతారు. చెడు పనులకు దూరంగా ఉండటం మంచిది. ఆర్థిక ఇబ్బందులు స్వల్పంగా ఉంటాయి. హనుమాన్ చాలీసా పారాయణము మంచిది.

కుంభం

ఈ రాశి వారికి గౌరవ మర్యాదలకు లోపముండదు. అనవసర వ్యయప్రయాసలు ఉంటాయి. వృధా ప్రయాణాలు ఎక్కువగా చేస్తారు. మానసిక ఆందోళనతోనే కాలం గడుపవలసి వస్తుంది. బంధుమిత్రులతో వైరం ఏర్పడకుండా జాగ్రత్తవహించాలి. శారీరకంగా బలహీనులవుతారు. విందులు, వినోదాల్లో పాల్గొంటారు. మహా విష్ణువును పూజించండి.

మీనం

ఈ రాశి వారు కుటుంబ విషయాల్లో అనాసక్తితో ఉంటారు. స్త్రీలు విశ్రాంతి తీసుకోవడం అవసరం. తోటివారితో విరోధం ఏర్పడకుండా జాగ్రత్త వహించడం మంచిది. వ్యాపార మూలకంగా ధననష్టం కలిగే అవకాశాలున్నాయి. వృధా ప్రయాణాలు ఎక్కువగా చేస్తారు. మహాలక్ష్మిని పూజించండి.