తేదీ:- 12, అక్టోబరు 2024
సంవత్సరం:- శ్రీ క్రోధినామ
అయనం:- దక్షిణాయణం
ఋతువు:- శరదృతువు
మాసం:- ఆశ్వయుజ
పక్షం:- శుక్ల పక్షం
తిథి:- దశమి తె.4.09 వరకు
వారం:- శనివారం (స్థిరవాసరే)
నక్షత్రం:- శ్రవణం రా.12.42 వరకు
యోగం:- ధృతి రా.9.46 వరకు
కరణం:- తైతుల సా.4.54 వరకు తదుపరి గరజి తె.4.11 వరకు
వర్జ్యం:- ఉ.శే.వ.6.51 వరకు మరల తె.4.35 నుండి
దుర్ముహూర్తము:- ఉ.5.55 - 7.28
అమృతకాలం:- మ.2.38 - 4.11
రాహుకాలం:- ఉ.9.00 - 10.30
యమగండ/కేతుకాలం:- మ.1.30 - 3.00
సూర్యరాశి:- కన్య
చంద్రరాశి:- మకరం
సూర్యోదయం:- 5.55 సూర్యాస్తమయం:- 5.39
విజయదశమి & శమీపూజ సందర్భంగా మీకు, మీ కుటుంబ సభ్యులకు దసరా శుభాకాంక్షలతో...
దినఫలాలు : ఈ రాశివారికి ఆర్ధిక ఫలితాలు బాగుంటాయి!
మేషం
ఈ రాశివారికి తమ తమ రంగాల్లో శుభఫలితాలు ఉంటాయి. కుటుంబ సభ్యులతో ఆనందాన్ని పంచుకుంటారు. ఆర్థికఫలితాలు అనుకూలంగా ఉంటాయి. సకాలంలో బుద్ధిబలం బాగా పనిచేస్తుంది. ఒక విషయంలో అందరినీ ఆకట్టుకుంటారు. అమ్మవారి ఆరాధన శుభప్రదం.
వృషభం
ఈ రాశివారికి వృత్తి,ఉద్యోగ,వ్యాపారాలలో శ్రమకు తగిన ఫలితాలు ఉంటాయి. మంచి ఆలోచనలు శక్తిని ఇస్తాయి. తోటివారితో సౌమ్యంగా వ్యవహరించండి, మేలు జరుగుతుంది. సమయానికి నిద్రాహారాలు తప్పనిసరి. దుర్గాదేవిని పూజించండి. శుభం కలుగుతుంది.
మిథునం
ఈ రాశివారు ఇవాళ కీలకమైన పనులను ప్రారంభిస్తారు. మీ ధర్మం మిమ్మల్ని ఉన్నతుల్ని చేస్తుంది. మొహమాటం వల్ల ఇబ్బందులను ఎదుర్కొంటారు. ఆహార నియమాలను పాటించాలి. శివాలయ సందర్శన శ్రేయస్కరం.
కర్కాటకం
ఈ రాశివారికి తమ తమ రంగాల్లో అనుకూల ఫలితాలు ఉన్నాయి. స్థిర నిర్ణయాలు మేలు చేస్తాయి. బంధువులతో ప్రేమగా వ్యవహరించాలి. శత్రునాశనం ఉంది. శ్రీ వేంకటేశ్వరస్వామిని ఆరాధించండి.
సింహం
ఈ రాశి వారికి వృత్తి, ఉద్యోగ, వ్యాపారాది రంగాలలో అనుకూల ఫలితాలు ఉన్నాయి. తెలివితేటలతో ఆలోచించి కొన్ని కీలకమైన పనులను పూర్తిచేయగలుగుతారు. నవగ్రహ శ్లోకాలను పఠించండి.
కన్య
ఈ రాశివారికి ప్రయత్నాలు ఫలిస్తాయి. మీకు అప్పగించిన బాధ్యతలను సమర్థంగా నిర్వర్తిస్తారు. ఒకటీరెండు ఆటంకాలు ఎదురైనా పెద్దగా ఇబ్బంది కలిగించవు. ప్రయాణాల్లో జాగ్రత్త . శివారాధన మంచిది.
తుల
ఈ రాశివారికి ధర్మసిద్ధి ఉంది. బంధువుల సహకారం అందుతుంది. ఒక శుభవార్త మీ మనోధైర్యాన్ని పెంచుతుంది. సమాజంలో మీ పేరు ప్రతిష్టలు పెరుగుతాయి. విజయదశమి మీకు శుభాలను ఇస్తుంది.
వృశ్చికం
ఈ రాశివారికి శక్తి సామర్థ్యాలు పెరుగుతాయి. మిమ్మల్ని మీరు ఎప్పటికప్పుడు నవీకరించుకుని గొప్ప ఫలితాలను పొందుతారు. ఇష్టదైవాన్ని ప్రార్థించండి.
ధనుస్సు
ఈ రాశివారు చేపట్టిన ప్రయత్నాలు ఫలిస్తాయి. ఏ పనిని ప్రారంభించినా సులువుగా పూర్తవుతుంది. నలుగురిలో మంచిపేరు సంపాదిస్తారు. జన్మస్థ చంద్రబలం అనుకూలంగా ఉంది. కుటుంబ సౌఖ్యం కలదు. మహాలక్ష్మిని పూజించండి.
మకరం
ఈ రాశివారికి ఇవాళ మిశ్రమ ఫలితాలు ఉన్నాయి. ప్రారంభించబోయే ఆటంకాలు ఎదురైనా అధిగమించే ప్రయత్నం చేస్తారు. ఆంజనేయ స్వామి ఆలయ సందర్శనం శుభప్రదం.
కుంభం
ఈ రాశివారు మంచి ఫలితాలు పొందుతారు. ఒక శుభవార్త మీ మనోధైర్యాన్ని పెంచుతుంది. భవిష్యత్తు ప్రణాళికలు వేస్తారు. బంధుప్రీతి ఉంది. వస్త్ర, ధాన్య లాభాలు ఉన్నాయి. దుర్గాస్తుతి చదివితే బాగుంటుంది.
మీనం
ఈ రాశివారు తాము ప్రారంభించిన పనిలో ఆటంకాలు పెరగకుండా చూసుకోవాలి. మనోబలం తగ్గకుండా ముందుకు సాగాలి. గతంలో నిర్లక్ష్యం చేసిన కొన్ని అంశాలు ఇబ్బంది పెడతాయి.కొన్ని పరిస్థితులు మిమ్మల్ని నిరుత్సాహపరుస్తాయి. కలహ సూచన ఉంది. అమ్మవారిని కొలవండి
