Yuvaraj Kumar: యువరాజ్ కుమార్ పై సంచలన ఆరోపణలు చేసిన శ్రీదేవి

కన్నడ సినిమా ఇండస్ట్రీలో మరో జంట విడాకులు తీసుకోనుంది. కోలీవుడ్ స్టార్ రాజ్ కుమార్ మనవడు, నటుడు యువరాజ్ కుమార్ తన భార్యకు విడాకులు ఇవ్వబోతున్నాడు. రాఘవేంద్ర రాజ్ కుమార్ కుమారుడే యువ రాజ్ కుమార్. భార్య శ్రీదేవి నుండి దూరంగా ఉండాలని అనుకుంటున్నట్లు లాయర్ నోటీసులు పంపాడు యువ రాజ్ కుమార్.

యువరాజ్ కుమార్ (అకా గురు రాజ్‌కుమార్) శ్రీదేవి బైరప్పకు విడాకుల నోటీసును అందించిన తర్వాత, రెండు వైపుల నుండి తీవ్రమైన ఆరోపణలు, ప్రత్యారోపణలు వచ్చాయి. విడాకుల నోటీసును అందించిన తర్వాత యువరాజ్‌కుమార్ తరపు న్యాయవాది సిరిల్ ప్రసాద్ మీడియా సమావేశం ఏర్పాటు చేసి శ్రీదేవిపై తీవ్ర ఆరోపణలు చేశారు. మానసిక, శారీరక వేధింపుల ఆధారంగా విడిపోవాలని కోరుతూ యువ పిటిషన్ దాఖలు చేసినట్లు తెలిపారు. రాధయ్య అనే వ్యక్తితో శ్రీదేవి బైరప్పకు అక్రమ సంబంధం ఉందని ప్రసాద్ ఆరోపించారు. దీంతో గత రెండేళ్లుగా యువరాజ్, శ్రీదేవి మధ్య చీలిక ఏర్పడింది. నెల రోజుల క్రితం రాధయ్య పెళ్లి చేసుకోవడం శ్రీదేవిని డిప్రెషన్‌లోకి నెట్టేసింది. అందుకే ఆమె ఇప్పుడు యువరాజ్‌పై తప్పుడు ఆరోపణలు చేస్తోందని లాయర్ పేర్కొన్నారు. యువ సన్నిహితంగా ఉండటానికి ప్రయత్నించినప్పుడు, ఆమె ఎన్నో వ్యాఖ్యలు చేసి చెప్పి అవమానించిందని ప్రసాద్ ఆరోపించారు.

లీగల్ నోటీసుకు శ్రీదేవి సమాధానమిచ్చిందని తెలిపారు. మే 30న దాఖలు చేసిన ఆమె ప్రతిస్పందన వివరాలు వెలుగులోకి వచ్చాయి. శ్రీదేవి యువరాజ్‌పై తీవ్రమైన ఆరోపణలు చేయడంతో పాటూ.. అతను సహ నటితో అక్రమ సంబంధం కలిగి ఉన్నాడని ఆరోపణలు గుప్పించింది. ఓ నటితో యువకు దాదాపు ఏడాది కాలంగా రిలేషన్‌షిప్‌లో ఉన్నాడని రిప్లై ఆరోపించింది. పెళ్లి తర్వాత యువ రాజ్‌కుమార్‌లో చాలా మార్పు వచ్చిందని శ్రీదేవి తెలిపింది. వైవాహిక జీవితంలో వేధింపులు ఎదుర్కొన్నప్పటికీ కుటుంబ ప్రయోజనాలను కాపాడటానికి అన్నింటినీ భరించినట్లు తెలిపింది. ఎలాంటి పశ్చాత్తాపం లేకుండా నాపై తప్పుడు, నిరాధారమైన ఆరోపణలు చేస్తున్నాడని శ్రీదేవి బైరప్ప లీగల్ నోటీసుకు సమాధానం ఇచ్చింది.