YS Jagan TTD Visit : 28న తిరుమల వెంకన్నను దర్శించుకోనున్న జగన్‌!

తిరుమల లడ్డూపైనా(Tirumala laddu), ఆ దివ్యక్షేత్రం పవిత్రతపైనా చంద్రబాబు(Chandrababu) సర్కారు చేస్తున్న అసత్య ఆరోపణలకు స్ట్రాంగ్‌ కౌంటర్‌ ఇవ్వాలని మాజీ ముఖ్యమంత్రి జగన్మోహన్‌రెడ్డి(YS Jagan) డిసైడయ్యారు. చంద్రబాబు చేసిన పాపాన్ని ప్రక్షాళన చేయడానికి శనివారం రోజు పూజలు చేయాలని నిర్ణయించుకున్నారు. ఈ మేరకు ఎక్స్‌ వేదికగా ఓ పోస్ట్‌ పెట్టారు.

'తిరుమల పవిత్రత.. స్వామివారి ప్రసాదం విశిష్టత.. వెంకటేశ్వరస్వామి వైభవాన్ని.. టీటీడీ పేరు ప్రఖ్యాతులను.. వేంకటేశ్వరస్వామి ప్రసాదమైన లడ్డూ పవిత్రత.. రాజకీయ దుర్బుద్ధితో.. కావాలని అబద్ధాలాడారు. జంతువుల కొవ్వుతో కల్తీ జరగనిది జరిగినట్టుగా.. ఆ కల్తీ ప్రసాదాన్ని భక్తులు తిన్నట్టుగా.. అసత్య ప్రచారంతో ముఖ్యమంత్రి హోదాలో ఉన్న చంద్రబాబు తిరుమలను, తిరుమల లడ్డూను, వేంకటేశ్వరస్వామి విశిష్టతను అపవిత్రం చేసినందుకు, చంద్రబాబు చేసిన ఈ పాపాన్ని ప్రక్షాళన చేసేందుకు రాష్ట్ర వ్యాప్తంగా ఆలయాల్లో సెప్టెంబర్‌ 28 శనివారం రోజున పూజల్లో పాల్గొనాలని వైఎస్సార్‌సీపీ పిలుపునిస్తోంది' అని జగన్‌ ట్వీట్‌ చేశారు. అదే రోజున జగన్‌ తిరుమలకు వెళ్లి వేంకటేశ్వరస్వామిని దర్శించుకోనున్నారు. అక్కడే ప్రత్యేక పూజలు చేస్తారని సమాచారం.