TTD Incense sticks : తిరుమల శ్రీవారికి వాడిన పూలను తర్వాత ఏం చేస్తారో తెలుసా..?

తిరుమల(Tirumala) శ్రీవేంకటేశ్వరస్వామికి(venkateswara Swamy) అలంకరించే పూలను(Flower) అవి వాడిన తర్వాత టీటీడీ(TTD) ఏం చేస్తుందో తెలుసా. శ్రీవారి సేవల కోసం నిత్యం టన్నుల కొద్దీ పూలను వాడుతుంటారు. ఈ పూలకు లక్షలు, లక్షలు ఖర్చు చేస్తుంటారు. అయితే వాడిపోయిన ఆ పూలను టీటీడీ వేస్ట్ చేయడంలేదు. వాడిన పూలతో అగరబత్తీలను(Incense sticks) టీటీడీ తయారు చేస్తోంది. దాదాపు ఏడు రకాల అగరబత్తీలను టీటీడీ తయారుచేస్తోంది. వీటిని భక్తులకు విక్రయిస్తూ, ఆలయాల్లో వినియోగిస్తున్నారు టీటీడీ అధికారులు. భక్తుల నుంచి మంచి స్పదన రావడంతో ఈ అగరబత్తీల ఉత్పత్తిని పెంచారు. తిరుపతి శ్రీవేంకటేశ్వరలో గోశాలలో ఈ అగరబత్తీలను తయారుచేయిస్తున్నారు. అభయహస్త, తందనానా, దివ్యపాద, అకృష్టి, తుష్టి, దివ్యసృష్టి, దివ్యదృష్టి పేరుతో ఏడు రకాల అగరబత్తీలను తయారు చేస్తున్నారు. ఇందుకుగాను బెంగళూరుకు(Bangalore) చెందిన దర్శన్‌(Darshan) అనే అంతర్జాతీయ సంస్థ సహకారాన్ని టీటీడీ తీసుకుంటోంది దాదాపు 10 యంత్రాల ద్వారా ఈ అగరబత్తీలను ఉత్పత్తి చేస్తున్నారు. ఎలాంటి లాభాపేక్ష లేకుండా, ఉత్పత్తికి అయిన ఖర్చుకే అగరబత్తీలను భక్తులకు విక్రయిస్తున్నామని టీటీడీ అధికారులు చెప్తున్నారు. ఈ అగరబత్తీలకు విశేష స్పందన వస్తుందని అధికారులు వివరించారు.