Palnadu : ఒకే కుటుంబంలో ముగ్గురి దారుణ హత్య

పల్నాడు(Palnadu) జిల్లా పిడుగురాళ్ల మండలం కోనంగి గ్రామంలో అర్థరాత్రి ముగ్గురు దారుణహత్యకు గురయ్యారు. ఒకే కుటుంబానికి చెందిన సాంబశివరావు, ఆదిలక్ష్మి, నరేశ్‌లను సమీప బంధువులే విచక్షణారహితంగా కత్తులతో నరికి చంపేశారు. కుటుంబ కలహాల నేపథ్యంలోనే ఈ హత్యలు జరిగాయని పోలీసులు చెబుతున్నారు. కొంతకాలంగా భార్య మాధురిని భర్త నరేశ్‌, అత్తమామలు ఆదిలక్ష్మి, సాంబశివరావు, వేధిస్తున్నట్టు సమాచారం. హత్యల తర్వాత మాధురితో పాటు సహ బంధువులు కూడా పోలీసుల ఎదుట లొంగిపోయారు. ఈ ఘటనపై కేసు నమోదు చేసిన పోలీసులు దర్యాప్తు చేస్తున్నారు.