IYR Krishna Rao:నేను చెప్పిందే సుప్రీం కోర్టు చెప్పింది : ఐవై కృష్ణారావు

తిరుపతి లడ్డూ ప్రసాదంపై మొన్న తాను చేసిన వ్యాఖ్యలే ఇవాళ సర్వోన్నత న్యాయస్థానం సుప్రీంకోర్టు చేసిందని రిటైర్డ్‌ ఐఎఎస్‌ ఆఫీసర్‌ ఐవై కృష్ణారావు(IY Krishna rao) అన్నారు. తిరుమల లడ్డూ(Tirumala Laddu)పై అన్ని కోణాలను వివరిస్తూ తాను ఓ వీడియో చేశానని, అందులో తమకు అనుకూలంగా ఉన్న భాగాన్ని కట్‌ చేసి సాక్షి ఛానెల్‌ వైరల్ చేసిందని అన్నారు. అది చూసి ఎల్లో యూ ట్యూబర్లు పూర్తి వీడియో చూడకుండా తనపై విరుచుకు పడ్డారని ఐవై కృష్ణారావు అన్నారు. ఈ మేరకు ఆయన ఎక్స్‌లో ఓ ట్వీట్‌ చేశారు. తనపై విరుచుకుపడిన వారు ఇప్పుడు సుప్రీంకోర్టు(Supreme Court)పై కూడా విరుచుకుపడతారా? అని ప్రశ్నించారు. వారు చెప్పదలుచుకున్న ఒరవడికి అనుకూలంగా అందరూ మాట్లాడాలంటే కుదరకపోవచ్చని కృష్ణారావు తెలిపారు.