Andhra Pradesh : వైసీపీ అరాచకాలపై ఉమ్మడి పోరాటం!
ఆంధ్రప్రదేశ్ రాష్ట్రంలో ప్రజలను పీడిస్తున్న వైసీపీ పాలనపై ఉమ్మడిగా పోరాడనున్నట్టు భారత చైతన్య యువజన పార్టీ- జై భీమ్ భారత్ పార్టీలు ప్రకటించాయి.
Ramachandra Yadav and Jada Shravan Kumar met
ఆంధ్రప్రదేశ్ రాష్ట్రంలో ప్రజలను పీడిస్తున్న వైసీపీ పాలనపై ఉమ్మడిగా పోరాడనున్నట్టు "భారత చైతన్య యువజన పార్టీ" - జై భీమ్ భారత్ పార్టీ" లు ప్రకటించాయి. రాష్ట్ర చరిత్రలో జగన్ లాంటి నీచ ముఖ్యమంత్రి ఎన్నడూ లేరని, భవిష్యత్తులో కూడా ఉండరని.. అటువంటి పాలకుడిని ఏపీ నుండి తరిమి కొట్టేలా ప్రజలను చైతన్యం చేసే బాధ్యతను తాము తీసుకోనున్నట్టు ఆ పార్టీల అధినేతలు వెల్లడించారు. ఈ మేరకు శనివారం విజయవాడలో బీసీవై పార్టీ అధినేత రామచంద్ర యాదవ్, జై భీమ్ పార్టీ అధినేత జడ శ్రవణ్ కుమార్ ల భేటీ జరిగింది. ఈ భేటీలో కీలక అంశాలను చర్చించారు. ఉమ్మడి పోరాట ప్రణాళికలు, ప్రజపోరాట అంశాలను చర్చించి, అనంతరం ఇద్దరూ కలిసి మీడియాతో మాట్లాడారు.. జగన్ మోహన్ రెడ్డి పాలనపై నిప్పులు చెరిగారు. వైసీపీని గద్దె దించి, ప్రజలకు అధికారం ఇవ్వటమే లక్ష్యమని ప్రకటించారు.
