PM Modi: భోజనం వడ్డించిన పీఎం నరేంద్ర మోదీ
ప్రధాన మంత్రి నరేంద్ర మోదీ సోమవారం హరిమందిర్ జీ పాట్నా సాహిబ్ గురుద్వారాను
PM Narendra Modi wears Sikh turban, serves food in langar at Gurdwara
ప్రధాన మంత్రి నరేంద్ర మోదీ సోమవారం హరిమందిర్ జీ పాట్నా సాహిబ్ గురుద్వారాను సందర్శించి, లంగర్‌లో భక్తులకు భోజనం వడ్డించారు. సిక్కుల ప్రార్థనా స్థలంలో ప్రధాని మోదీ సేవ చేశారు. అందుకు సంబంధించిన దృశ్యాలు వైరల్‌గా మారాయి. ప్రధానమంత్రి నరేంద్రమోదీ స్టీల్ బకెట్ నుండి సిక్కు ప్రజలకు ఆహారం పెడుతూ ఉన్న వైరల్ వీడియోను మనం చూడొచ్చు. ఆయన నుంచి భోజనం అందుకుంటున్న వారు కృతజ్ఞతలు తెలుపుతున్నారు.
అంతకు ముందు పిఎం నరేంద్ర మోదీ లంగర్ కోసం ఆహారం వండడంలో సహాయం చేశారు. బీహార్‌లోని పాట్నాలోని ప్రసిద్ధ గురుద్వారాకు ప్రధాని మోదీ పర్యటన సందర్భంగా భారీ భద్రతా ఏర్పాట్లు చేశారు. ఆదివారం బీహార్ రాజధానిలో ప్రధాని మోదీ రోడ్‌షో నిర్వహించారు. బీహార్‌లో రోడ్‌షో నిర్వహించిన తొలి ప్రధానిగా రికార్డు సృష్టించారు. ఇక ఈరోజు రాష్ట్రంలోని హాజీపూర్, ముజఫర్‌పూర్, సరన్ నియోజకవర్గాల్లో జరిగే ఎన్నికల ర్యాలీల్లో ప్రధాని మోదీ ప్రసంగించనున్నారు.
