Pawan Kalyan Wish to Chandrababu Naidu:మరో పదేళ్లు మా బాబే సీఎం

ఈ ఐదేళ్లే కాదు.. 10 ఏళ్లు సీఎంగా చంద్రబాబు ఉండాలని ఆంధ్రప్రదేశ్‌ డిప్యూటీ సీఎం పవన్ కల్యాణ్ ఆకాంక్షించారు. తమ 150 రోజుల పాలనపై అసెంబ్లీలో ఆయన మాట్లాడారు. మధ్యాహ్న భోజన పథకానికి డొక్కా సీతమ్మ పేరు పెట్టినందుకు ముఖ్యమంత్రి చంద్రబాబుకు చెతులు జోడించి నమస్కరిస్తున్నామన్నారు. క్లిష్టపరిస్థితులు వచ్చినప్పుడు నాయకుడు ఎలా ఉండాలనేది చంద్రబాబు నిరూపించారన్నారు. వరదలు వచ్చిన సందర్భంగా ఆఫీసులో కూర్చొని ఆదేశాలు ఇచ్చే పరిస్థితులు ఉండి స్వయంగా ప్రజల్లో ధైర్యం నింపడానికి బురదలో కూడా దిగి పనిచేశారన్నారు. గత ప్రభుత్వం అన్ని రంగాల్లో విఫలమైందన్న పవన్.. అనుభవం ఉన్న చంద్రబాబు పాలనలో ఏపీ అతివేగంగా అభివృద్ధి చెందుతుందన్నారు. తమ ప్రభుత్వం లో నెల మొదటి రోజున ఉద్యోగులకు జీతాలు ఇస్తున్నట్లు గుర్తు చేశారు. 64 లక్షల లబ్ధిదారులకు 4000 చొప్పున పెంచి అందిస్తున్నామన్నారు. బూతులు పోస్ట్ చేసే సోషల్ యాక్టివిటీస్ ల అణచివేతలో ముఖ్యమంత్రి చంద్రబాబు నాయుడు, హోంమంత్రి అనిత తీసుకున్న కఠినమైన చర్యలు అభినందనీయమని పేర్కొన్నారు. ఇదే కొనసాగాలని కోరుకున్నట్టు తెలిపారు