Janasena Glass: హమ్మయ్య.. జనసేనకు ఓ విజయం దక్కింది

జనసేన పార్టీకి ఓ లీగల్ విజయం దక్కింది. జనసేన పార్టీకి "గ్లాస్ టంబ్లర్" గుర్తును కేటాయించడాన్ని సవాలు చేస్తూ దాఖలైన పిటిషన్‌ను ఆంద్రప్రదేశ్ హైకోర్టు కొట్టివేసింది. ఆ గుర్తు జనసేనకే చెందుతుందని కోర్టు వెల్లడించింది. ఎన్నికల సంఘం (EC) జనసేనకు గాజు దొంతర గుర్తును కేటాయించడం నిబంధనలకు విరుద్ధమని వాదిస్తూ నేషనల్ పీపుల్స్ కాంగ్రెస్ పార్టీ కోర్టులో పిటిషన్ వేయడంతో వివాదం మొదలైంది. వాదనలను తర్వాత, హైకోర్టు తన నిర్ణయాన్ని రిజర్వ్ చేసింది. తాజాగా జనసేనకు అనుకూలంగా వచ్చింది.

గ్లాస్ టంబ్లర్ గుర్తును ఈసీ ఇంతకు ముందు రాజకీయ పార్టీలకు అందుబాటులో ఉన్న ఉచిత చిహ్నాల జాబితాలో చేర్చింది. దీంతో ఆ గుర్తుకు సంబంధించి జనసేన పార్టీ, నేషనల్ పీపుల్స్ కాంగ్రెస్ పార్టీల మధ్య న్యాయపోరాటానికి దారితీసింది. ఆంధ్రప్రదేశ్ హైకోర్టు తాజా తీర్పుతో, జనసేన పార్టీకి అధికారికంగా గాజు గ్లాసు గుర్తును కేటాయిస్తూ ఎన్నికల సంఘం త్వరలో ఉత్తర్వులు జారీ చేయనుంది.