Voting Percentage: ఏపీలో ఉదయం 10 గంటలకు ఎంత శాతం పోలింగ్ నమోదైందంటే?

ఆంధ్రప్రదేశ్ రాష్ట్రవ్యాప్తంగా ఉదయం 10 గంటల వరకు 15 శాతం మేర పోలింగ్ నమోదు అయిందని ఎన్నికల కమిషన్ వెల్లడించింది. అత్యధికంగా గాజువాక సెగ్మెంట్లో 19.1 శాతం పోలింగ్ నమోదు కాగా, అత్యల్పంగా యర్రగొండపాలెంలో కేవలం 5.2 శాతం మేర పోలింగ్ నమోదు అయింది. హింసాత్మక ఘటనలు చోటు చేసుకున్న గురజాల, మాచర్ల, పుంగనూరుల్లో ఓటింగ్ సాగుతున్నట్లు తెలిపారు. గురజాలలో 9.5 శాతం, మాచర్ల 0. 9 శాతం, పుంగనూరులో 15 శాతం మేర పోలింగ్ నమోదు అయింది.

ఉదయం 9 గంటల వరకు అనంతపురం జిల్లాలో 9.17 శాతం పోలింగ్‌ నమోదు కాగా.. శ్రీ సత్యసాయి జిల్లాలో 6.92 శాతం పోలింగ్‌ నమోదు అయినట్టు అధికారులు వెల్లడించారు. ఉమ్మడి అనంతపురం జిల్లాలో గంట ఆలస్యంగా పోలింగ్‌ ప్రారంభమైంది. పలుచోట్ల ఈవీఎంలు మొరాయించాయి. హిందూపురంలో వైసీపీ -టీడీపీ కార్యకర్తల మధ్య ఘర్షణ చోటు చేసుకుంది.