Tirumala : తిరుమలలో పెరిగిన భక్తుల రద్దీ

తిరుమలలో మళ్ళీ భక్తుల రద్దీ పెరిగింది. భక్తులు ఉచిత దర్శనం కోసం 31 కంపార్ట్ మెంట్లలో వేచి ఉన్నారు. సర్వదర్శనం భక్తులకు 18 గంటల సమయం పడుతుందని టీటీడీ పేర్కొంది. రూ.300 శీఘ్ర దర్శనంకు 4 గంట సమయం పడుతుందని వెల్ల‌డించింది. సర్వ దర్శనమ్ టోకెన్ పొందిన భక్తులకు 6 నుండి 7 గంటల సమయం పడుతుందని తెలిపింది. నిన్న స్వామివారిని దర్శించుకున్న భక్తుల సంఖ్య 73,811 కాగా.. 34,901 మంది భక్తులు నిన్న స్వామివారికి తలనీలాలు సమర్పించారు. నిన్న స్వామి వారి హుండీ ఆదాయం 3.19 కోట్లు అని టీటీడీ వెల్ల‌డించింది.