Chandrababu : దారితప్పిన చంద్రబాబు హెలికాప్టర్..!

టీడీపీ(TDP) అధినేత చంద్రబాబు(chandrababu) విశాఖ నుంచి అరకు(Araku) వెళుతుండగా ఆయన ప్రయాణిస్తున్న హెలికాప్టర్(Helicopter) దారితప్పింది. చంద్రబాబు హెలికాప్టర్ కు ఏటీసీతో(ATC) సమన్వయ లోపం తలెత్తింది. దీంతో చంద్రబాబు ప్రయాణిస్తున్న హెలికాప్టర్ దారితప్పిన విషయాన్ని గుర్తించిన ఏటీసీ.. వెంటనే పైలెట్ ను అప్రమత్తం చేసింది. తాము నిర్దేశించిన మార్గంలో హెలికాప్టర్ వెళ్లడం లేదని.. రాంగ్ రూట్లో వెళుతోందని ఏటీసీ చంద్రబాబు హెలికాప్టర్ పైలెట్ కు వివరించింది. ఏటీసీ హెచ్చరికలతో చంద్రబాబు హెలికాప్టర్ వెంటనే వెనుదిరిగింది. మళ్లీ సరైన మార్గంలో వెళ్లేందుకు ఏటీసీ అనుమతించడంతో చంద్రబాబు సురక్షితంగా అరకు చేరుకున్నారు.